Општо е познато дека играта е важен дел од детското растење, покрај тоа што децата сакаат да играат, бројни истражувања ги докажале и придобивките од играта за развојот и здравјето на децата. Нова студија докажува дека играта не само што е корисна за децата, таа може позитивно да влијае и на вработените родители.
Истражувачката компанија Опиниум, прашала 100 американски извршни директори за нивните размислувања за тоа како работат вработените кои си играат со своите деца дома, односно како овој факт се одразува на нивниот стил на работа, а резултатите биле исклучително позитивни.
„Гледаме родителите целосно нурнати во игра и создаваат спомени со своите деца преку игра секој ден. Теоретизиравме дека родителите можат да ја носат оваа креативна, имагинативна, разиграна енергија и во нивните деловни животи за возрасни“, вели Стефани Џонсон, која била дел од истражувањето.
„Во студијата видовме дека мнозинството извршни директори (68%) се согласија дека времето за играње со деца може да доведе до поголема креативност на работа“.
Освен на креативноста, 79% од испитаниците веруваат дека игрите имаат позитивно влијание врз иновациите и културата на работното место, а неверојатни 94% од извршните директори веруваат дека играњето може да помогне во намалувањето на т.н. брнаут (прегорување) или синдром на исцрпеност на вработените.
Ова истражување потврдува дека добрата рамнотежа помеѓу работата и приватниот живот и доволно време за семејството, а со тоа и играњето со децата, е добро за сите, и за вработените и за бизнисот, односно за работодавецот.
