Во студија која вчера беше објавена во списанието American Journal of Tropical Medicine and Hygiene биле анализирани гласини, стигми и теории на заговор поврзани со новиот коронавирус кои се појавувале на социјалните платформи, портали и други интернет страници во периодот од 31. декември до 5. април.
Истражувачите кои работеле на студијата “гласините“ ги дефинирале како непроверена информација која по проверката може да биде вистината, измислена или целосно лажна. “Стигмата“ била поврзана со дискриминација или девалвација на група, а “теоријата на заговор“ била дефинирана како верување за поединец или група луѓе кои тајно работат со цел да достигнат злонамерни цели.
Истражувачите идентификувале 2.311 извештаи повразни со потенцијални дезинформации околу КОВИД-19 и тоа на 25 јазика во 87 држави – 89% биле дефинирани како гласини, 7,8% како теории на завера и 3,5% како стигма.
Студијата вклучила и некои примери:
- “Јајцата се контаминирани со коронавирус“; “Пиењето избелувач може да го убие вирусот“ – окарактеризирани се како гласини.
- “Секоја болест дојдена е од Кина“ – окарактеризирана е како стигма.
- “Коронавирусот е биолошко оружје кое го смисли фондацијата Бил и Мелинда Гејтс за да поттикне продажба на вакцина“ – окарактеризана е како теорија на заговор.
ДЕЗИНФОРМАЦИИТЕ МОЖЕ ДА ДОВЕДАТ ДО ПОВРЕДИ И СМРТ
Студијата исто тка покажала дека ваквите дезинформации може да доведат до повреди и до смртни случаи, велат истражувачите.
“Гласините може да бидат замаскирани како уверлива стратегија за спречување и контрола на инфекцијата и може да имаат сериозни импликации на здравјето на човекот. Така на пример, во различни делови во светот циркулирапе дезинформација дека консумирањето високи концентрации на алкохол може а го дезинфицира телото и да го убие вирусот. Поради таа дезинформација починаа околу 800 лица, додека 5.876 се хоспитализирани и 60 целосно ослепеа откако испија метанол како лек за коронавирус“, се наведува во студијата.
