Голема нова студија која ја предводеле научници од Универзитет Јорк, пронашле врска помеѓу децата кои редовно разговарале со возрасни и нивната невербална способност како што се расудување, пресметување и свест за облиците.
За потребите на истражувањето, научниците поставиле уреди за снимање во облеката на 107 деца на возраст од две до четири години. Преслушувајќи ја дневната интеракција на децата со родителите и со воспитачките, можеле да проценат каков вид на разговор водат децата со возрасните лица, кои се вклучени во нивниот живот. Од родителите исто така побарале да со децата извршуваат низа активности како што се цртање и боење, а се со цел да се тестираат когнитивните вештини на децата.
“Користејќи уреди за снимање на звукот, можевме на ненаметлив начин да ја проучиме интеракцијата помеѓу малите деца и нивните семејства во секојдневното истражување, а не во лабораторија и откривме дека количината на зборови што ги изговараат возрасните, а децата ги слушаат, позитивно се поврзани со нивните когнитивни способности“, изјавила д-р Катарина Апис, која го водела истражувањето.
Таа ги охрабрува родителите да заборават на нежното и бебешко зборување и со детето да разговараат нормално, како и со секоја друга личност, бидејќи тоа ќе им биде од корист.
“Разговарајте што е можно повеќе со децата во текот на целиот ден, било да се работи за времето кое го минувате на маса или играјќи си“, порачува таа.
Интересен е податокот дека научниците воочиле и дека позитивното родителство, во кое родителите ги поттикнуваат децата на истражување и изразување, се поврзува со помалку знаци на агресивно и непослушно однесување.
