Вака растат среќни деца

“Тајната“ на доброто родителство е многу едноставна: посветете се на децата, но научете и ги на вистински вредности, и не заборавајте го најважното: децата го прават она што вие го правите, не она што им го кажете дека треба да го направат.

Има неколку научно доакажани начини за оваа тема. Родителите често се прашуваат дали прават се што можат најдобро што можат, дали би можеле да дадат повеќе, и да се потрудат да нивните деца растат среќно и здраво.

Но, “тајната“ на доброто родителство е многу едноставна: посветете се на децата, но научете и ги на вистински вредности, и не заборавајте го најважното: децата го прават она што вие го правите, не она што им го кажете дека треба да го направат.

Ова се неколку обрасци на однесување за кои науката докажала дека позитивно влијаат на развојот и растењето на децата.

РАБОТЕТЕ

Мајките често имаат дилема дали да се вратат на работа по раѓањето на детето, секако ако тоа можат или не можат да си го дозволат. Сепак истражувањата покажуваат дека девојчињата чии мајки работеле, подоцна имале поуспешни кариери и подобро се снаоѓале во работата од оние чии мајки не работеле. Од друга страна, момчињата чии мајки работеле подоцна, во возрасниот период биле подготвени повеќе да им се посветат на семејствата.

РАНО ЛЕГНУВАЊЕ

Навременото легнување во кревет за спиење, за децата значи подобро емотивно и ментално здравје, а освен тоа децата кои убаво ќе се наспијат се супер расположени и подготвени за игра во секој момент.

ИГРАЈТЕ БЕЗ МОБИЛЕН

Кога поминувате време со децата, мобилниот телефон, пораките, мејловите… можат и мораат да почекаат. Ако телефонот ви е е во раце цело време, дури и кога шетате или играте со децата, вие не сте им целосно посветени. Децата тоа го чувствуваат и стануваат нервозни  и непослушни, и на крајот сите ќе се испокарате наместо да уживате во заеднички поминатото време. Зошто би пропуштиле драгоцени моменти во растењето на своите деца поради туѓи фотографии на Инстаграм или Фејсбук.

ПЕЈТЕ, ЧИТАЈТЕ, РАЗГОВАРАЈТЕ

Дури и ако немате слух – пејте. Истражувањата покажале дека пеењето на децата во раното детство, значајно влијае на блискоста на родителите и децата, а на помалите деца пеењето брзо ги смирува кога се вознемирени и нервозни. Децата кои растат со читање и пеење, со топлината на мајчиниот глас растат во луѓе кои имаат голема самодоверба.

БИДЕТЕ ФИЗИЧКИ АКТИВНИ

Прво, децата кои ќе се заморат во текот на денот навечер убаво спијат, а истражувањата покажуваат дека децата кои растат или растеле поминувајќи време со родителите надвор, во парк или во сопствениот двор трчајќи по топка или играјќи си некоја друга игра, подоцна го копираат однесувањето на родителите и во зрелиот период се физички многу активни, за разлика од оние деца кои пораснале со родители на кои поважно од играта им било детето да биде чисто, испеглано и без удрено колено.