Израелска студија во која учествувале околу 50.000 невакцинирани лица, кои се заразиле во јануари и февруари годинава, покажува раст од 70 проценти на пациентите кои сериозно се разболеле од болеста COVID-19. Ова сугерира дека британскиот сој B.1.1.7 се разликува од „оригиналниот“ коронавирус, а досега најзабележлива разлика беше во тоа дека е позаразен, пренесуваат израелските медиуми. Меѓутоа, се чини дека исто така предизвикува и болест која е многу поопасна.
Истражувањето на институтот „Клалит“ се согласува со извештаите на лекарите во одделите за коронавирус и единиците за интензивна нега.
Лекарите исто така наведуваат дека пациентите со Ковид-19 сега се помлади од порано и во многу случаи потешко болни отколку за време на првиот и вториот бран на пандемијата.
Некои лекари изјавиле дека не само што симптомите се посилни, а пациентите помлади и без претходни болести, туку и состојбата се влошува многу побрзо отколку порано.
Израелска студија во која учествувале околу 50.000 невакцинирани лица, кои се заразиле во јануари и февруари годинава, покажува раст од 70 проценти на пациентите кои сериозно се разболеле од болеста COVID-19. Ова сугерира дека британскиот сој B.1.1.7 се разликува од „оригиналниот“ коронавирус, а досега најзабележлива разлика беше во тоа дека е позаразен, пренесуваат израелските медиуми. Меѓутоа, се чини дека исто така предизвикува и болест која е многу поопасна
Британскиот сој наводно пристигнал во Израел во декември, што беше потврдено во рок од неколку недели. Истражувањата покажуваат дека овој сој е присутен кај повеќе од 90 проценти од луѓето кои имаат позитивен тест на вирусот.
Во јануари и февруари, жителите на Израел беа масовно вакцинирани, но бројот на сериозно болни пациенти едвај се намали.
Истражувачкиот институт „Клалит“ следел невакцинирани лица 14 дена по инфекцијата, а контролната група се состоела од 60.000 лица заразени со Ковид-19 од почетокот на октомври до 19 декември минатата година, кога започна вакцинацијата, а пред да биде идентификуван британскиот сој во Израел.
Во претходниот период, стапката на влошување во сериозна состојба беше слична на претходната, еден процент кај пациенти на возраст од 30 до 50 години, 3,7 проценти кај пациенти на возраст од 50 до 60 години и 14,5 проценти кај постари од 60 години.
Во втората група имало околу 50.000 луѓе кои се заразиле од 17 јануари до 7 февруари и не биле вакцинирани пред да бидат позитивно тестирани.
Во тој период, британскиот вид предизвикал 80 проценти од новите инфекции. Стапката на влошување во рок од две недели била 1,3 проценти кај пациенти на возраст од 30 до 50 години, 5,5 проценти кај оние на возраст од 50 до 60 години и 19 проценти кај постари од 60 години.
Директорот на Институтот, Ран Балицер, вели дека тоа би можело да биде објаснување зошто во првите недели од оваа година, и покрај ефикасноста на вакцинацијата, немало ненадеен пад на сериозното заболување на дневно ниво, како што би можело да се очекува. „Општиот пад кај сериозно болните луѓе од сите возрасти беше виден подоцна, но беше ограничен“, рече тој.
Резултатите од израелското истражување одговараат на наодите од Велика Британија.
