Кога ќе се роди, новороденчето е во состојба да види само светлина и матни движења, а потоа почнува да распознава лица и поголеми форми. Една недела по раѓањето, бебињата можат да видат некои бои како што се црвена, портокалова, жолта и зелена, но сина и виолетова ќе можат да разликуваат малку подоцна, кога ќе им се изоштри перцепцијата на видот.
За да поттикнете развој на видот во овие рани месеци од животот, собата во која престојува детето нека биде во светли и весели бои, вклучувајќи цртежи и разни предмети во контрасни бои и различни форми.
Со влегувањето во вториот месец од животот, бебето веќе може да воспостави контакт со очите и да се фокусира на предмети оддалечени околу 30 сантиметри. Очите стануваат почувствителни на светлина, па кога ќе го ставите бебето да спие, придушето ја светлината. Со почетокот на третиот месец од животот, развојот на видот забрзано напредува.
Откако бебето ќе наполни 3 до 4 месеци, може да ги разликува повеќето од боите и да се фокусира на помали предмети. Како се подобрува перцепцијата на длабочина, може да се фокусира и на објекти оддлаечени до 3 метри, како и да набљудува активности околу себе. Ако ја пеместите играчката од една на друга страна, неколку сантиметри од лицето на бебето, ќе ја следи со поглед.
Ако вашето бебе не гледа предмети во движење или ако се чини дека има проблеми со придвижувањето на едното или двете очи во било која насока до својот 4. месец, разговарајте со педијатар. Рутиснкиот пргелед за бебе вклучува и проценка на видот, но веројатно детето нема да оди на офталмолог пред целосно да му се развие видот.
До 6. месец од животот, бебето гледа се подалеку и повнимателно ги следи предметитие кои се движат, а се подобрува и острината на видот. Исто така, детето ги гледа сите бои од спектарот на виножитото. Се подобрува координацијата око-рака, која на детето му овозможува брзо да лоцира и зема работи, а потоа да ги стави во уста.
Од 7. до 12. месец се развива свесноста за сопственото тело, детето учи како да го координира видот со движеањата на телото. Со оглед дека бебето веќе лази, се дига на нозе и оди со придржување, ќе мора да вложите повеќе труд за да го заштитите од можни повреди.
Во овој период на бебињата може да им се промени и бојата на очите, бидејќи поголемиот дел се раѓаат со сини очи, бидејќи темниот пигмент не е целосно развиен по раѓањето. Како детето се развива, се создава се повеќе темен пигмент кој ќе ја промени сината боја во кафеава, зелена и слично.
