Децата многу често се борат со спиењето поради лоши соништа и кошмари. Колку и родителите да се обидуваат да го смират детето и да го уверат дека сето тоа е само имагинација, сепак победува детската имагинација. Не можат да спијат и се борат со стравовите.
Психолозите издвојуваат неколку совети за родителите чии деца се плашат од темница и потенцираат “Не е воопшто ретко дете, особено во периодот помеѓу 3 и 6 години, да почне да се плаши од темница и да има кошмари. Тоа се случува, бидејќи тогаш растат когнитивните способности, а со самото тоа и имагинацијата“.
- “Обезбедување додека спие“
Најважно е детето, кога ќе отиде да спие да се чувствува безбедно. Во тоа може да помогне некоја играчка, за која ќе го уверите детето дека има кој да го чува заедно со вас. Можете да му кажете на детето: “Мечето е тука да те штити. Тоа се следи и ништо лошо не може да се случи покрај него“.
- Научете ги да имаат контрола
Најдобра борба со стравот е тогаш кога ќе сфатиме дека имаме контрола. Затоа треба детето да се научи да има контрола и да може само да се избори со стравот. Ставете ламба покрај детето, научете го кога ќе се исплаши, дека секогаш може да го запали светлото и така да ја победи темнината. “Некогаш нашата фантазија си игра со нас кога не можеме да гледаме, затоа кога ќе упалиш светло, ќе видиш дека се е во ред“.
- Внимавајте на сенките
Иако ламбата може да помогне, поради тоа светло може да се појават страшни сенки што го плашат детето. Спречете го тоа така што ќе ги тргнете сите предмети кои фрлаат сенка. Седнете на детскиот кревет, запалете ја светилката и видете што се може да го исплаши детето.
- Зборувајте со детето
Ако ноќните кошмари се чести и детето поради тоа се буди, оставете го да ви раскаже се. Може да ви каже или да го нацрта тоа што се случило. Тогаш замолете го да ја промени приказната и да ја направи онаква каква што тоа сака. Може да го прашате детето што би се случило да одеднаш се појави некој суперхерој кој ќе го спаси. На овој начин му помагате на детето да креира нова приказна со добар крај. Колку повеќе го поттикнувате да ја менува приказната на позитивна страна, така детето полека ќе почне да сонува убави соништа.
