На топ листата на најнеомилени намирници се кељот, карфиолот, брокулата, прокељот, грашокот… Ќе се сложите, списокот е долг. Не грижете се, имаме трик за вас!
Ова се неколку совети кои треба да ги пробате, како децата сепак да ја изедат таа брокула или друг, за нив несакан зеленчук, свеж или сварен.
ТАЈНА ЗАДАЧА – СМУТИ
Еден од наједноставните трикови е правењето смути. Свежиот спанаќ е број еден зеленчук кој минува во секое смути. Свежото цвекло и морков се исто така добри намирници за здрави сокчиња. Едноставно, земете го омиленото овошје на вашето дете и додадете го несаканиот зеленчук.
ВКУСНИ И ЗДРАВИ МИНИ БУРГЕРИ
Сокријте ги тиквиците и брокулата во мини бургери. Како? Многу едноставно. Направете стандардна смеса за ќофтиња, додадете малку сечкан кромид, зачинете по вкус, малку маслиново масло, една белка и изрендана брокула и тиквичка. Се заедно измешајте во една смеса и печете во рерна или во тавче додека не бидат готови.
СПЕЦИЈАЛЕН СОС ЗА ПРИНЦЕЗИ И СУПЕРХЕРОИ
Криењето на карфиол, целер, пиперка или друг зеленчук кој не го јаде вашето дете, може да се измати во сочен сос со кој ќе ги прелиете шпагетите, макароните или некоја друга омилена тестенина. Доволно е да го динствувате зеленчукот во доматен сос со малку вода, и по 10 миути кога зеленчукот ќе се свари, земете разен стап миксер и избендирајте ја цела смеса. И секако дадете му на сосот име како специјален сос за суперхерои или омилено јадење за принцези. Со задолжителна напомена дека сосот помага да пораснат мускулите или косата.
