Речиси секој родител добро знае колку понекогап е тешко да се натера детето да изеде се што му е сервирано во чинијата.Малите пребирџии неретко одбиваат овошје или зеленчук, а свесни сте колку тие намирници се важни за здрав раст и развој. Ако имате пребирливо дете, важно е да откриете кои намирници ги сака. Некои деца прават проблем кога на менито имаат зеленчук, но затоа уживаат во овошјето и обратно.
“Им го сервирате зеленчукот на забавен начин, но децата и натаму не сакаат да јадат? Продолжете да го правите тоа, но во меѓувреме послужете им многу овошје“, порачува нутриционистот Џенифер Андерсон.
“Можеби сте слушнале дека овошјето содржи шеќер и поради тоа треба да се ограничи. Тоа апсолутно не е вистина, Не го ограничувајте, освен ако детето има дигестивни проблеми или некои други медицински причини. Овошјето содржи витамини, минерали, антиоксиданти и влакна“, појаснува таа.
Нејзин предлог е наместо пиперка на детето да му понудите јагоди кои исто така содржат витамин Ц. Витамин А се наоѓа во компирот и во мангото, а со влакна изобилуваат лимонот, портокалите и мешунките. Витамин К детето може да внесе консумирајќи киви, а антиоксиданти преку грозјето.
“Овошниот сок не е цело овошје. Препорачувам на детето за пиење да му давате вода и млеко секојдневно, а овошни сокови само повремено“, предупредува Андерсон.
