Една од најважните цели кај децата е да го откријат своето опкружување и во него да ја откријат сопствената независност. Игнорирањето на вас како родител е еден дел од тој процес. Со истражувањето на овој проблем се занимавала Ешли Џејмс, позна психолог од Јоханесбург. Преправањето дека не ве слушаат е начин на ги тестират вашите граници и да спознаат каква е вашата реакција на ваквата ситуација.
“Доколку се грижите што детето ве игнорира многу почесто отколку што ве слуша, можете за овој проблем да поразговарате и со стручно лице. Тешко дека ќе покаже дека е во прашање некој сериозен проблем, но добро е да се тестира слухот или да му се дозволи на стручното лице да направи проценка на развојот“, истакнува психологот.
Д-р Џејмс предлага шест стратегии кои може да ги примените кога вашето дете се преправа дека не ве слуша:
Бидете сигурни дека вашите барања се специфични и изводливи
Барањата како “среди ја својата соба“ се премногу нејасни за децата. Наместо тоа, обидете се со некое конкретно барање, како “молим те, собери ги своите играчки во кутија“.
Поедноставите ги барањата
Можно е вашето дете да ве игнорира бидејќи не ги разбира вашите барања. “На две години, на детето му се потребни инструкции за само едно или две барања“, истакнува Џејмс. “Те молам земи си ги чевлите“ или “Те молам дојди и седни покрај мене“, се едноставни барања кои детето ги разбира.
Бидете доследни
Доколку му речете на детето да стане од масата, а тоа ве игнорира, истиот момент станете го сами од местото.
Мотивирајте го своето дете
Децата сакаат кога им се ласка, така што комплиментите и наградите одат рака под рака со волјата на детето да го направи она што го сакате. На пример “многу сум горда на тебе што толку брзо ја донесе својата јакна“ или “многу добро знаеш да ме слушаш“. Џејмс вели дека може да користите некој поттик за вашето дете да ве слуша. Секој пат кога детето ќе реагира на вашето прво барање, сликичи или нешто друго нека бидат неговата награда.
Користете алтернатива за “не“
Постои голема веројатност детето да ве игнорира ако премногу често слуша “не“. Наместо: “не , не може сега да јадеш благо“, речете му: “можеш да јадеш благо по ручекот“. Кога детето има избор, дајте му шанса да се покаже на вистинскиот начин. Кажете “да“ кога и да можете и користете го секој момент да го пхрабрите детето пред да го ограничувате. Кога сака да се качи малку повисоко на лизгалка или на некој реквизит во парк, подобро речете му: “ајде заедно ќе се обидеме“, отколку: “не, се уште си мал за тоа“.
Имајте разбирање
Замислете се себе во разговор со пријателката, кога одеднаш морате да го прекинете тоа што го правите за да направите нешто друго во истиот момент. Немаме секогаш време да ги натераме децата да влезат во автомобилотт или да ги молиме да ги измијат рацете, но кога и да е можно, оставете го детето да застане пред истиот момент да мора да изврши некоја друга активност.
