Како да му помогнете на бебето да ја развие дарбата за говор: Гугајте заедно, читајте му често и не го седнувајте пред телевизор

Разговорот со детето можеби нема да му помогне да прозбори порано, но ќе му помогне подобро да ги изговара зборовите кога развојно ќе биде подготвено за тоа, што е обично на возраст од околу една година

Зборувањето со бебето исто така е одличен начин да се поврзете со вашето малечко уште од првиот ден

Иако разговорот со новороденчето нема да му помогне порано да прозбори, тоа е одличен начин да се поврзете со вашето бебе, а кога ќе дојде време и за тоа, ќе му помогне подобро да ги изговара зборови и да ја развие дарбата за говор.

Дали се чувствувате смешно додека разговарате со новороденче? Не би требало. „Изложеноста на интонациски примери, како и повторувањето на вообичаените зборови, им помага на новороденчињата да научат да комуницираат“, вели логопедот Мелиса Есенбург. Разговорот со детето можеби нема да му помогне да прозбори порано, но ќе му помогне подобро да ги изговара зборовите кога развојно ќе биде подготвено за тоа, што е обично на возраст од околу една година. Исто така, зборувањето е одличен начин да се поврзете со вашето бебе од првиот ден.

Како детето ќе ги развие своите говорно-јазични вештини и навремено ќе оствари комуникација со околината што го опкружува детето, зависи од самата околина, односно во овој најран период тоа зависи од родителите

Еве неколку забавни начини како да му помогнете на вашето бебе да ја развие дарбата за говор:

  1. Имитирајте го гугањето на бебето;
  2. Често повторувајте зборови – оние зборови што започнуваат со „м“ или „б“ најлесно може да ги имитира бебето;
  3. Читајте му често на бебето – „Бебињата треба да слушнат многу јазик“, вели Каролин Блекемор, автор на книгата „Основи за читање на бебето на глас“. „Слушањето е како писменост во оваа фаза;
  4. Не седнувајте го бебето пред телевизор – Седењето пред ТВ не прави ништо за развој на говорот кај бебето. Бебето учи да зборува не само со слушање и копирање на вашите зборови, туку и од контактот со очите, допирот и емоционалните одговори што ги споделувате со него.
На возраст од 10 месеци детето многу брбори, комбинира различни слогови и на тој начин ги става „зборовите“ во „реченици“ и околината има впечаток дека детето зборува на некој свој јазик
Бебето учи да зборува не само со слушање и копирање на вашите зборови, туку и од контактот со очите, допирот и емоционалните одговори што ги споделувате со него

Првите „вистински“ зборови

Кога бебето првпат ќе изговори мама, тато или баба, тоа несомнено ќе ги воодушеви најблиските членови на семејството, иако всушност сè уште не се работи за вистинските зборови со значење. Логопедите објаснуваат дека помеѓу шестиот и десеттиот месец се јавува фаза на канонско брборење и детето ги повторува истите слогови повеќе пати, како што се ма-ма, ба-ба… На возраст од 10 месеци детето многу брбори, комбинира различни слогови и на тој начин ги става „зборовите“ во „реченици“ и околината има впечаток дека детето зборува на некој свој јазик. Оваа фаза ја нарекуваме фаза на жаргон и таа го воведува детето во вистинскиот говор на возрасните.

Како детето ќе ги развие своите говорно-јазични вештини и навремено ќе оствари комуникација со околината што го опкружува детето, зависи од самата околина, односно во овој најран период тоа зависи од родителите.

ПОВРЗАНИ НАПИСИПОВЕЌЕ ОД АВТОРОТ