Нетрпеливост, извивање на грбот, двиења со нозете и претерано плачење се некои од работите на кои треба да внимавате. Кај новороденчињата, преголемиот замор може да биде сличен на симптомите на грчеви во стомакот. За да ги избегнете ваквите ситуации, педијатрите велат дека треба да обрнете внимание на тоа колку време бебето минува будно.
Проценете колку бебето може да остане будно помеѓу две спиења, а да не е премалку или премногу заморено. Ако го промашите ова време, веројатно ќе се соочите со тешко и/или кратко спиење, велат педијатрите. Тие додаваат дека ако родителите научат колку бебето во одредена возраст може да биде будно, тоа може да им помогне да спречат тоа да се премори и ќе им го олесни успивањето.
Како да знаете колку време бебето треба да биде будно?
Ова се просечни резултати на основа на возраста:
- Од раѓање до 12. недела: 60 до 90 минути
- Од 3. до 4. месец: 75 до 120 минути
- Од 5. до 7-8 месец: 2 до 3 часа
- Од 8. до 14. месец: 3 до 4 часа
- Од 14. до 24. месец: 5 до 6 часа
