4 најчести родителски грешки во првите шест месеци на бебето

Несигурни сте исплашени и правите грешки од незнаење. Во откриваме каде најмногу грешат родителите во првите шест месеци од животот на бебето.

Пред да добијат бебе, многу мајки и татковци се информираат за тоа како треба да го хранат и негуваат. Корисни совети добиваат од педијатри, патронажните сестри или пријателите кои веќе имаат деца. Но, што треба или не треба да прават со детето кога е во прашање неговиот моторен развој, најчесто никој не им зборува. Токму во врска со тоа, родителите имаат и најмногу дилеми.

Еве, според физиотерапевтите, кои се најчестите грешки кои родителите ги прават во првите шест месеци од животот на бебето.

  • Бебето не се става во лежечка положба на стомак

Ова е најчестата грешка во првите месеци од детскиот живот, кој го попречува неговиот нормален развој на движење.

“Положбата на стомак го подготвува бебето за лазење, оти го поттикнува телото на подигање. Во оваа положба детето учи да се исправа, потпира и да тргне напред“, велат стручњаците.

  • Ставање прсти во дланката на бебето

Сите бебиња по раѓањето имаат стиснати дланки поради присутниот рефлекс на фаќање. Ако им стават свои прсти во дланките, силно ќе ве стиснат.

“Иако е ова исклучително пријатно чувство, не го правете тоа и никакоо не ставајте играчки во рацете на бебето. Наместо тоа, галете го бебето по подлактицата, како би го стимулирале на отворање на дланката, што тоа спонтано повремено го прави“, објаснуваат лекарите.

Сите бебиња по раѓањето имаат стиснати дланки поради присутниот рефлекс на фаќање.
  • Прерано ставање во седечка положба

Повеќето родители своето бебе го ставаат во седечка положба на шест месеци, без разлика дали тоа покажува иницијатива за седење или не. Поентата е да не го форсирате детето, оти прераното ставање во седечка положба пред се не е добро за ‘рбетот. На таа возраст ‘рбетот, во повеќето случаи не е подготвен да го држи детето во исправена седечка положба. Многу родители не знаат дека седењето нема толку поврзаност со колковите, колку со ‘рбетниот столб и неговиот развој.

  • Откажување од терапија за корекција на деформитет

Три најзастапени деформитети кај бебињата на раѓање се проблеми во развојот на колковите, тортиколис (крив врат) и криви стапала. Некои од нив се видливи веднаш, а некои подоцна во првите месеци од животот.

“Штом нешто забележат, родителите веднаш го носат детето кај ортопед или физијатар кои препорачуваат соодветна терапија. За жал, одредени родители од различни причини во некој момент се откажуваат од терапија. Мислат дека ќе помине само од себе или дека лекарот згрешил, а тоа не е добро оти нелекуваните или недоволно излекувани деформитети оставаат последици во поглема или помала мера за цел живот“, апелираат лекарите.