Дете кое има над 18 месеци и кое самостојно оди, треба полека да стекне способност на самостојна игра, односно да се занимава без помош на родителите. Ако вие и натаму сте главен аниматор, а детето не сака да се одвои од вас ниту за миг, време е за смена на тактиката.
Стручњаците ги предлагаат следниве методи:
На детето треба да му се посвети внимание, но и на секој родител му е потребно време за одмор и за извршување на останатите секојдневни обврски.
Пред да се фатите во клинч со обврските, започнете игра со детето и поминете во таа игра неколку минути. Потоа, проценете кога детето стекнало доволно самодоверба и се занело во играта и без вас. Стручњаците наведуваат дека децата до три години ги копираат родителите и работите што тие ги прават.
ПОФАЛБА
Секој пат кога детето си игра само, искористете можност да го пофалите. Со пофлаба и позитивна критика го поттикнувате детето да продолжи да игра. Не го прекинувајте во играта, а себе си дајте си можност за одмор.
ПРИЛАГОДУВАЊЕ
Детето не може веднаш да се навикне на самостојна игра, па не го критикувајте. Потребно му е време. Секој пат кога вие ќе се оддалечите од играта со него, земајте подолги паузи. Со тек на време детето ќе се навикне.
ОМИЛЕНА ИГРАЧКА
Секогаш во резерва чувајте посебна играчка, онаа што детето најмногу ја сака и со која може да си игра и без вие да учествувате.
