Веќе е познато дека недоволната количина на хормонот тироксин може да ја искомплицира бременоста, да го зголеми ризикот од спонтан абротус или предвремено породување. Сега холандските истражуваќи тврдат дека дури и нормалните количини на тироксин може да предизвикаат проблеми како криво свртено бебе што посебно го отежнува породувањето. Често се случува бебето да е свртено кон грбот на мајката, наместо кон стомакот, поради што породувањето не само што е подолго и потешко, туку и најчесто завршува со царски рез.
Истражувачкиот тим од Универзитет во Холандија верува дека со овој хормонален проблем се соочува една од десет трудници, и очекува дека наскоро крвната анализа со која се утврдува нивото на овој хормон, треба да стане дел од рутината.
Професор Виктор Поп и неговиот тим веруваат дека осцилациите на тирокисинот го спречуваат бебето да се движи како што треба. Поради тоа, наместо во оптимална положба за породување, останува заглавено во непријатна положба.
“Неодамнешни истражувања покажаа дека развојот на моториката кај двегодишно дете е поврзан со количината на тироксин во бременоста“, објаснува проф. Поп додававјќи дека детето до 20. недела не може да произведува хормони на штитната жлезда и во целост зависи од залихите на мајката.
