Кога сте родител, една од најубавите емотивни врски што ја имате е онаа со своето дете. Дури и кога имате повеќе деца, голема е веројатноста дека си секое ќе имат посебна и поинаква врска.
Меѓутоа, живот, обврски, проблеми и разни други работи понекогаш може да застанат на патот на градење на однос и поврзаност. Тогаш родителите може да бидат во “постојан конфликт“ со своето дете. По кој пат и да тргнат, како да не можат да најдат заеднички јазик.
До тоа можело да доведат веќе горе наведените ставки или едноставно “занемарување“ на емотивниот однос. Кога велиме занемарување, нужно не се мисли на нешто големо и злонамерно. Напротив, тоа лесно може да се случи секому.
Потребно е проблемот да се препознае и да се поработи на него.
Ако ви се чини дека сето ова не е лесно да се надмине, постојат некои работи кои може да ги поправите во вашиот однос.
Емотивно занемарување – што е тоа?
Емоционално запоставување едноставно значи дека не одговарате на емоционалните потреби на вашето дете. Ви се чини страшно? Не е. Тоа едноставно може да значи дека сте имале тежок и напорен ден на работа, а вашето дете дошло кај вас расплачено и вознемирено, а вие само кусо сте му рекле дека се е во ред и да престане да плаче.
Значи, секоја мајка оптоварена и неоптоварена со обврски може да падне во оваа замка. Од проста причина што верува дека детето не може да има големи и важни проблеми како ние.
- Прифаќање и извинување
Доколку се препознавте во горната ситуација, можете веднаш да направите нешто за да ја поправите. И секоја слична ситуација. Поминете малку време со вашето дете, посветете му се и разговарајте. Разговарајте за тоа што сте направиле или кажале во некоја ситуација и што мисли за тоа. Време е да ги слушате неговите чувства. Откако сте слушнале се, време е да се извините.
- Признајте го проблемот
Една од потешките работи за многу родители е да си признаат себеси дека емотивно го запоставиле своето дете. Но, нема причина да се срамите, особено ако се сте направиле несвесно.
Работата на себе веќе значи многу. И токму тоа е потребно пред да се пријде на детето. Родителот треба да размисли зошто се случило тоа, да ги препознае ситуациите во кои се случува, да размисли за своето однесување и што е тоа што може да промени.
Родител кој може да сфати дека постои проблем , може на тој проблем и да работи. Во оваа ситуација, многу е важно да му дозволите на детето да зборува и да стекне чувство дека неговиот глас се слуша.
- Ви треба ли помош?
Кога станува збор за нешто толку важно како однос со дете, не е срамота да побарате помош. Бидејќи, доколку чувствувате дека ништо не поправате и дека ситуацијата излегува од контрола, најдобро е да се консултирате со стручно лице.
Терапевтот може да ви помогне да разберете зошто ги отфрлате емоциите на вашето дете и да ви даде вештини за да работите на тоа. Тие исто така можат да обезбедат безбеден простор за вас и вашето дете навистина да разговарате и да се вратите на “ист колосек“. Ќе биде потребно време за односот целосно да се подобри бидејќи вашето дете треба да види како ги исполнувате вашите ветувања, но тоа ќе дојде со малку трпение и напорна работа.
