Нискиот крвен притисок во бременоста најчесто не предизвикува значајни здравствени проблеми, но многу нискиот притисок може да биде причина за загриженост.
Зошто доаѓа до појава на хипотензија за време на бременоста?
Бременоста е причина за многу промени, бидејќи женското тело се прилагодува на состојбите потребни за создавање на нов живот. Затоа прегледите во бременоста се многу важни, бидејќи при секој преглед, веројатно ќе ви го измерат и крвниот притисок.
- Крвниот притисок може да варира, зависно од нивото на енергија, нервозата, начинот на живот и стресот. Крвниот притисок, исто така може да биде и висок и низок, во зависност од времето во денот.
- Крвниот притисок може да биде низок во првите 24 недели од бременоста. Тоа веројатно е предизвикано од васкуларниот систем, бидејќи вените се шират за да дозволат проток на крв во матката.
И некои други фактори може да допринесат за одредени проблеми и да предизвикаат пад на крвниот притисок:
- Алергиски реакции
- Инфекции
- Долготрајно лежење во кревет
- Дехидрација
- Внатрешно крварење
- Анемија
- Проблеми со срцето
- Ендокринолошко пореметување
Многу нискиот притисок во бременоста може да биде знак за компликации во раната бременост, како што е ектопична бременост, каде што оплодената јајце клетка се имплантира на друго место, а не во матката.
СИМПТОМИ
- Вртоглавица
- Мачнини
- Зашеметеност која може да предизвика несвестици, особено по брзо станување
- замор кој може да се влоши во текот на денот
- Отежнато дишење
- Жед, и по консумирање течности
- Студена и бледа кожа
- Проблеми со видот, како што се замаглен вид или двојна слика
- Депресија
РИЗИЦИ ПО БЕБЕТО
Еден од примарните ризици за жените со низок кривен притисок е паѓање предизвикано од несвестиците. Некои жени со низок притисок кои брзо стануваат, по седење или лежење, може да се онесвестат. Честитите несвестици може да бидат опасни, особено во бременоста, бидејќи жената може да се повреди ако падне, а слабата циркулација може да влијае на некои внатрешни проблеми.
Многу нискиот крвен притисок може да резултира со оштетување на органите и да спречи крвта да дојде до детето, што претставува ризик за здравјето на детето, но нискиот крвен притисок најчесто нема сериозни компликации.
