Децата, објаснува пулмологот д-р Снежана Рсовас од детската болнива Тиршова во Белград, немаа потреба од долготраен престој во болница поради лекување на КОВИД-19, но факт е дека со појавата на омикрон, бројот на деца кои се згрижуваат во болница е зголемен секаде.
“Добрата страна е што децата не лежат долго во болница, а дел од нив се хоспитализираат и поради други, придружни болести. Она што е забележливо е поголемиот број на амбулантски пациенти, поголем број на прегледи и клиничка слика која кај секое второ дете одговара на омикрон – главоболка, нос, кашлица, горни дишни патишта“, вели д-р Рсовац.
Таа вели дека постои и ризик од ширење на грип во детските колективи, додека за флурона постојат многу мали шанси.
“Грипот нема да предизвика толку многу горни респираторни тегоби, го следи исклучителна малаксалост, висока температура, како и кашлица. Најважно е да се направи комплетен преглед на детето, па лабораториските резултати ќе не упатат на тоа кој вирус е во прашање. Децата лесно ги надминуваат последиците предизивкани од КОВИД-19 и веќе за седум дена подготвени се да се вратат во училиште, додека физичката активност се проценува индивидуално. Што се однесува до постковид синдромот, рано е да се зборува за тоа, обично шест до осум недели по пикот, се појавуваат постковид симптомите“, нагласува д-р Рсовац.
За помладите деца, не се предвидени антивирусни лекови, туку само за постарите.
“Кога се во прашање помалите деца, од предучилишна и училишна возраст, треба да се намали температурата, да се даваат доволно течности, тоа е многу важно, како и да се лекува ринитисот со капки за нос. Така што нема вклучување на антибиотици доколку нема бактериски суперинфекции“, истакнува д-р Рсовац.
