Во бременоста доаѓа до бројни промени во организмот, и дел од нив се минливи и безопасни, но на некои треба да се обрне внимание, бидејќи може да остават псоледици и по породувањето. Според лекарите, важно е да се знае за можните промени во видот, предизвикани од хормоните, како и да се препознаат знаците кои индицираат сериозни проблеми.
Промените на окото за време на бременоста се категоризираат како физиолошки (нормални и привремени) и патолошки (проблемски). Патолошките промени се всушност промени во постоечката патологија на окото, компликации или системски болести.
Доколку имате било каква состојба како глауком, висок крвен притисок или дијабетес пред бременоста, важно е да разговарате со очен лекар за тој да ги воочи промените доколку ги има.
СУВО ОКО. Бременоста може да доведе до кинење на мрежницата, што води кон суви очи. Дехидратацијата настанува поради повраќање и мачнини. Но, ова е само привремено и брзо исчезнува по породувањето.
ТЕМНА КОЖА. Најчести физиолошки промени се зголемување на пигментацијата во делот на очите. Потемнувањето на лицето за време на бременоста, односно “трудничката маска“ или мелизма, се развива поради засилено лачење на естроген, прогестерон и хормони кои ги стимулираат меланоцитите.
ПРОМЕНА НА ДИОПТРИЈАТА. За време на бременоста, промените на нивото на хормоните може да ја променат јачината на вашите очила за гледање или контактните леќи. Иако нема потреба од голема загриженост, сепак би било добро да поразговарате со очен лекар, кој може, а и не мора да ви ја менува диоптријата.
ОТОК НА КАПАЦИТЕ. Отеченоста околу очите е уште еден многу чест ефект на хормоналните промени. Тие може да имаат влијание на страничниот вид. Основно правило е да не го намалувате внесот на вода и да се држите до здрава исхрана, со малку натриум и кофеин. Здравите навики ќе спречат задржување на вода и подобро ќе се чувствувате.
