Едно е сигурно, бременоста за секоја жена е комплетно непредвидлива. Секако, тоа не мора да значи да седите девет месеци и да се прашувате што може да ви се случи.
Сигурно многу пати сте слушнале дека бременоста ќе ви личи на онаа на вашата мајка. Имајте предвид дека бременоста не може да биде иста, но сепак, некои работи навистина можат да поврзани и гените може да имаат влијание.
- Утрински мачнини
Ова има врска со хормоните и осцилациите со шеќерот во крвта, по прилагодување на телото на доаѓањето на бебето. Обично се јавуваат во првото тромесечје, а завршуваат некаде околу 13 или 14 недела. Многумина веруваат дека генетиката влијае на тоа како ќе регираме на хормоналните промени.
- Стрии
Во овој случај клучна е хидратацијата, а тоа дали ќе ви останат стриите може да има поврзаност со гените. Така е – погледнете дали вашата мајка има стрии, веројатно ќе имате слична ситуација. Генетиката има влијание на еластичноста на кожата.
- Ментално опоравување по породувањето
Ако ја прашувате вашата мајка за текот на бременоста, прашајте ја и за опоравувањето. Студии покажале дека дури 15% од случаевите на депресија се јавуваат и кај ќерките, ако ги имала мајката. Сепак, не се врзувајте за мајчиното искуство. Нејзините околности на раѓање и начин на живот, како и состојбата на умот во тој момент, не мора да бидат исти како и вам.
- Предвремено породување
Се смета дека ризикот од предвремено породување се зголемува за 30 до 40 проценти ако и вашата мајка го имала истиот проблем. На ова може да влијаат дури 6 гени.
- Големо бебе
Генетиката има влијание на тоа колку големо бебе ќе родите. Пред да се загрижите ако вашата мајка имало тешко и комплицирано породување, постојат многу поважни работи на кои треба да обрнете внимание – дали имате иста карлица како мајка ви, какви препораки од лекар таа добивала, дали сте иста градба.
Најдобро би било да слушнете конкретни совети од вашата мајка за тоа што нејзе и помогнало, како дишела за време на породувањето, што и било најкорисно за време на опоравувањето по породувањето или за време на утринските мачнини.
Иако бременоста на вашата мајка може да ви даде навестување, тоа не мора да значи дека вашата ќе биде идентична. Имајте на ум дека од нејзиното породување поминало многу време и промени.
