Луѓето со „пост-ковид синдром“ откако ќе го преболат вирусот, покрај кашлица, треска и губење на вкус и мирис, може да чувствуваат замор, отежнато дишење, болки во мускулите, болки во зглобовите, губење на меморијата, недостаток на памтење, депресија…
Досега се регистрирани над 70 милиони потврдени случаи на инфекција ширум светот и повеќе од 1,5 милиони луѓе кои починале како резултат на COVID-19. Според статистичките податоци на британското Национално биро за статистика (Office for National Statistics) објавени во декември, едно од десет лица со оваа болест има симптоми на COVID-19 и повеќе од три месеци по нејзиното надминување.
Долготрајните последици на коронавирусот врз здравјето на оние кои го преболеле и понатаму се непознати.
Според статистичките податоци на британското Национално биро за статистика, објавени во декември, едно од десет лица со оваа болест има симптоми повеќе од три месеци. И има сè повеќе такви случаи. Студија објавена на 20 август покажа дека скоро три четвртини од пациентите третирани во болници страдаат од симптоми на коронавирус три месеци или повеќе. Некои од нив изјавиле дека не можат да извршуваат едноставни дневни задачи, како што се туширање, облекување, па дури и враќање на работа, пишува „Индипендент“.
Една студија објавена на 7 септември покажала дека скоро 60.000 луѓе имаат „постковиден синдром“ односно „долг COVID“ – симптомите ги чувствуваат повеќе од три месеци.
Што е долг COVID?
Терминот „долг COVID“ сè уште не е официјален медицински термин. Се користи за да се опише состојбата на луѓето на кои не им поминуваат симптомите на COVID-19 подолго од временскиот период, кој, според СЗО, е доволно за едно лице да се зарази и да ја преболи болеста, односно две недели.
Според статистичките податоци на британското Национално биро за статистика, објавени во декември, едно од десет лица со оваа болест има симптоми на COVID-19 и повеќе од три месеци по нејзиното надминување
Луѓето со „пост-ковид синдром“ откако ќе го преболат вирусот, покрај кашлица, треска и губење на вкус и мирис, може да чувствуваат замор, отежнато дишење, болки во мускулите, болки во зглобовите, губење на меморијата, недостаток на памтење, депресија…
Иако страдаат од долгорочни симптоми, овие лица не се сметаат за заразни.
Значи, иако самиот термин сè уште не е признат како официјален медицински термин, сè повеќе има докази за поддршка на постоењето на „долг COVID“.
Бристолската болница Саутмид објави студија на 20 август според која 81 од 110 отпуштени пациенти имале симптоми на болестa како што се отежнато дишење, замор и болки во мускулите и до 12 недели откако биле отпуштени од болницата.
Зошто COVID-19 кај некои трае подолго
Сепак, не е потполно познато зошто кај некои COVID-19 трае подолго. Една од причините може да биде прекумерната тежина. Покрај тоа, и луѓето кои имале поблаги симптоми и се лекувале дома, исто така може да имаат долг COVID.
Една студија покажала дека оние кои чувствуваат хроничен замор може да имаат биолошки предиспозиции за таква реакција на организмот. „Кога алфа-интерферонот им беше даден на луѓето како третман на хепатит Ц, кај многумина предизвика болест слична на грипот, а кај некои и поствирусен замор“, било наведено во студијата.
