Според најново истражување, полнењето на половина од детската чинија со овошје и зеленчук не е само препорачано во насоките за исхрана на САД, туку и помага да се зголеми количината на овошје и зеленчук што децата ќе ја изедат. Во контролирана студија, научниците тестирале две стратегии за поттикнување на децата да јадат повеќе зеленчук и овошје.
Истражувачите откриле дека додавањето на повеќе прилог од овошје и зеленчук, резултирало со тоа да децата јаделе 24 проценти повеќе зеленчук и 33 проценти повеќе овошје во споредба со контолираните менија. Земената на овошје и зеленчук со некоја друга храна довела до тоа да децата кинсумирале 41 процент повеќе зеленчук и 38 проценти повеќе овошје.
Барбара Ролс, раководител на Лабораторијата за проучување на човековото дигестивно однесување, вели дека резултатите сугерираат начини на кои родителите и училиштата можат да помогнат во поттикнување на здрава исхрана.
“Кога одлучувате што ќе им дадете на децата да јадат, лесно е да запомните дека половина од храната треба да биде овошје и зеленчук. Ако почнете да согледувате дека им послужувате повеќе и дека имате повеќе отпад, може да ја намалите храната со поголеми калории и да додадете повеќе производи. Експериментирајте и забавувајте се испробувајќи различно овошје и зеленчук за да видите што децата сакаат и така ќе може да им послушите оброци што се во склад со нивните лични избори“, вели Ролс.
Според последното истражување,к околу 60 проценти од децата не јадат доволно овошје, а 93 проценти не јадат доволно зеленчук, што укажува на потребата за стратегии за поттикнување на децата да јадат повеќе производи.
“За повеќето храна, децата ќе јадат повеќе кога ќе им се послужат поголеми порции, па сакавме да тестираме дали зголемувањето на количината на овошје и зеленчук што им се сервира во текот на пет дена, ќе го зголеми и внесот“, вели нутриционистката Лијан Ро, учесник во истражувањето.
“Исто така, се прашувавме дали замената на производ со друга храна ќе го зголеми внесот повеќе од едноставно додавање на дополнително овошје и зеленчук“.
“На децата им ги послужувавме сите нивни оброци, грицки и пијалаци пет дена по ред и ги измеривме сите артикли што им беа дадени, како и остатоците за да го измериме внесот. Дома им испраќавме вечерни и утрински ужинки, но повеќето оброци беа послужени во градинките„, вели Ро.
Како предупредување, Ролс вели дека иако студијата била успешна во наведување на децата да јадат повеќе овошје и зеленчук, повеќето деца се уште не ја внесувале препорачаната дневна количина на зеленчук за својата возраст (околу шолја и половина), иако ја постигнале оваа цел за овошјето.
