Потрудете се детето да внесува многу овошје и зеленчук. Оваа храна ги содржи сите состојки кои можат да ја подобрат отпорноста на организмот.
Намирниците богати со бета каротен, како морков, спанаќ, тиква, кељ и компир значајно ја подобруваат општата состојба на организмот. Брокулата е богата сос сотојки кои го подигаат имуниот систем – витамин А, витамин Ц и глутатион. Зелката е исклучително богата со витамините А и Ц, кои го јакнат имунитетот.
Покрај тоа што се богати со витамини и минерали, овошјето со семки содржи и незаситени масни киселини, есенцијални омега масни киселини и фитостероли кои на ефикасен начин влијаат на подобрување на здравјето.
КУРКУМА – ЖОЛТО ЗЛАТО
Куркуминот, главната состојка на куркумата поседува силно антиоксидантно, противвоспалително, антивирусно, антибактериско и антимикотично дејство, поради што овој зачин треба да се воведе до детската исхрана, но не пред детето да наполни шест години.
