Сонот е важен дел од развојот на секое бебе, но за многу родители прашањето каде и како да спие нивното дете може да предизвика конфузија. Дали бебето треба да спие со вас во соба или во своја одвојена просторија? Стручњаците се поделени, а секое семејство треба да најде најдобро решение за својата ситуација. Овој текст ја разгледува научната и практичната страна на оваа дилема, како и советите кои можат да ви помогнат да донесете информирана одлука.
Мајките и татковците често имаат дилеми за тоа кое е најдоброто и најбезбедно, а воедно и најпрактично место за спиење на бебето. Меѓутоа, мислењето на стручњаците на оваа тема е поделено. Според Американската академија за педијатрија, детето би требало да биде во соба со родителите најмалку во првите шест месеци, а идеално е до 12 месеци.
Педијатрите објаснуваат дека причината е тоа што до навршените 12 месеци, детето е во емоционална фаза на приврзаност, во апсолутна соединетост со родителот, чија присутност гарантира сигурност, заштитеност, преживување и љубов.
“Со влезот во процес на емоционална сепарација – значи во периодот во кој нормално настапуваат периоди на продолжено телесно раздвојување, детето можe без последици да ја помине ноќта во своја соба. Секако, ако во текот на ноќта се огласи, родителот треба да се јави и да интеревенира“, објаснуваат педијатрите.
Од друга страна, истражувања покажуваат нови сознанија. Бебињата кои спијат во одвоена соба веќе на возраст од четири месеци всушност спијат подобро и подолго. Освен тоа, тие имаат поголеми шанси да создадат доследна рутина на одење на спиење до 20 часот. Бебињата кои делеле соба со родителите до девет месеци, често оделе подоцна на спиење. Родителите на бебиња кои спиеле во своја соба на четири месеци, почесто успевале да го одржат тоа, во споредба со оние кои го префрлувале бебето во својот кревет во текот на ноќта.
Како тогаш да се знае кога е вистинското време за одвоена соба?
Со оглед на поделбата на мислењата, најдобро е родителите да проценат како “диши“ нивното бебе и што најдобро функционира за него. Ако бебето на четири месеци се привикнува без проблем на одвоена соба – одлично, но ако тоа не му одговара, одвојувањето треба да се одложи за некое време.
