Повеќето педијатри препорачуваат телешкото, како и останатото месо и протеини да бидат воведени во бебешката исхрана, помеѓу 8. и 10. месец од животот. Сепак, оваа препорака често се менува. Во многу европски земји, Велика Британија и Канада, националните здравствени установи и многу педијатри го препорачуваат месото како една од првите намирници поради нивото на железо во себе.
Претпоставка е дека пораното воведување на месото во исхраната на бебето, поттикнува одржување на одредено ниво на железо и обезбедува адекватно ниво на цинк и на протеини.
Зошто телешкото месо е добра храна за бебето?
Телешкото месо е богато со протеини и со железо, исто така содржи и калциум и фолна киселина. Телешкото е месо кое бебето најлесно ќе го свари. Пилешкото месо е најчесто препорачувано за прво месо, како и мисиркиното, а и двете имаат високо ниво на протеини и на железо.
Телешкото месо содржи:
ВИТАМИНИ:
- Витамин А
- Витамин Ц
- Витамин Б1
- Витамин Б2
- Ниацин
- Фолна киселина
МИНЕРАЛИ
- Калиум
- Фосфор
- Магнезиум
- Калциум
- Натриум
- Железо
- Цинк
