Во денешниот свет воопшто не е лесно да се подигне дете, особено ќерка. Светот е полн со застарени очекувања за девојчињата, од тоа како треба да се однесуваат до тоа како треба да изгледаат или облекуваат. Работите да бидат уште полоши, многу родители често несвесно користат вообичаени фрази кои во повеќето случаи можат да направат повеќе штета отколку добро, предупредува семејната терапевтка Лаура Фројен.
Таа издвојува неколку фрази кои родителите често ги користат за да оправдаат одредени однесувања и постапки, но со тоа само прават дополнителна штета бидејќи нивните ќерки учат да не ги почитуваат сопствените граници или секогаш се однесуваат според туѓите желби или очекувања. Еве за кои фрази станува збор:
- Кои се тепа, тој се сака
- Биди добра
- Момчињата секогаш ќе бидат/остануваат момчиња
- Изгледаш (пре)слабо
- Толку си убава.
Иако сите овие реченици можеби на прва звучат сосема нормално, терапевтката објаснува дека постојат негативни последици за секоја од овие фрази. Имено, тие ги учат девојчињата дека е сосема во ред да се тепа или малтретира некој што го сакате, дека секогаш треба да бидат послушни и добри, дека треба да изгледаат на одреден начин, главно слабо и дека изгледот е најважен за жените.
