Коронавирусот е респираторна болест, а периодот на инкубација може да варира од личност до личност.
Периодот на инкубација е времето помеѓу инфекцијата со вирусот и почетокот на симптомите. Според Американскиот центар за контрола и превенција на болести (CDC), периодот на инкубација кај коронавирусот е помеѓу два и 14 дена по изложувањето.
Најчестите симптоми на Ковид-19 се треска, отежнато дишење, кашлица и замор. Инфицираните лица исто така може да доживеат симптоми како што се затнат нос, воспалено грло, главоболка, губење на мирис и вкус
Според неодамнешниот извештај, повеќе од 97% од луѓето заразени со вирусот SARS-CoV-2 покажуваат симптоми во рок од 11,5 дена по изложувањето. Според досегашните податоци, просечниот период на инкубација е околу пет дена.
Кај многу луѓе кои ќе се заразат, најпрво се јавуваат благи симптоми на Ковид-19, а потоа, со тек на времето, можат да се влошат.
За да се заштитите од Ковид-19, препорачливо е редовно да ги миете рацете со вода и сапун минимум 20 секунди. Ако не можете да ги измиете рацете, можете да користите средства за дезинфекција кои содржат минимум 60% алкохол.
Од другите превентивни мерки, се препорачува да се одржува физичко растојание од најмалку два метра, да се носи заштитна маска, да не го допирате лицето со рацете и да не ги споделувате личните предмети со другите. Покрај тоа, редовно чистете и дезинфицирајте ги површините во домот кои често се допираат. Ова вклучува рачки, мобилни телефони, клучеви и слично. Задолжително дезинфицирајте ги рацете откако ќе користите предмети во јавноста што често се допираат, како што се банкоматите.
Најчестите симптоми на Ковид-19 се треска, отежнато дишење, кашлица и замор. Инфицираните лица исто така може да доживеат симптоми како што се затнат нос, воспалено грло, главоболка, губење на мирис и вкус…
Кај повеќето луѓе кои биле изложени на вирусот, симптомите се појавуваат во рок од два до 14 дена по изложувањето, според „Healthline“. Во просек, потребни се околу пет дена за да се развијат симптомите. Ако развиете какви било симптоми поврзани со Ковид, контактирајте го вашиот лекар. Се додека не бидете сигурни за каква болест се работи, треба да останете дома и да избегнувате контакт со други луѓе.
