„Откако некој е изложен на омикрон, вирусната репликација може да започне во рок од еден ден“, вели за „Би-Би-Си“ Висенте Соријано, експерт за заразни болести на меѓународниот универзитет Ла Риоха во Шпанија. Но колку долго е заразен некој кој има Ковид?
Научниците веќе знаат дека луѓето кои се инфицирале со коронавирус обично се позаразни во раната фаза на инфекција. Кај омикрон, се смета дека вирусот може да се пренесе еден до два дена пред почетокот на симптомите и два до три дена потоа.
Многу луѓе со Ковид немаат никакви симптоми за време на траењето на инфекцијата. „Тие треба да се однесуваат како нивната инфекција да трае исто онолку долго како кај некој со симптоми“, вели д-р Соријано, кој додава дека сè уште не е познато многу за асимптоматските инфекции
„Веруваме дека вирусот е заразен само пет дена. Со други зборови, неговата способност да зарази други, односно да го пренесете вирусот, трае три до пет дена после позитивниот тест, кој се прави на вториот ден од инфекцијата“, вели за д-р Соријано.
Сојот омикрон останува во телото околу седум дена, објаснува тој. Ова значи дека околу седум дена по почетокот на симптомите, повеќето луѓе повеќе нема да бидат повеќе заразни доколку веќе не покажуваат никакви симптоми.
„Но, ова е медицина, а не математика, затоа треба да ставите малку поголема граница. Можеби кај некои луѓе трае помалку, околу три до четири дена, додека кај други околу седум дена“, додава д-р Соријано.
Колку долго сум заразен ако немам симптоми?
Многу луѓе со Ковид немаат никакви симптоми за време на траењето на инфекцијата.
„Тие треба да се однесуваат како нивната инфекција да трае исто онолку долго како кај некој со симптоми“, категоричен е докторот. Тој вели дека сè уште не е познато многу за асимптоматските инфекции.
„Но, се чини дека времетраењето на инфекцијата е слично како кај луѓето со симптоми. Постојат студии за Ковид спроведени на деца, кои обично немаат симптоми, и тие студии покажуваат дека нивното вирусно оптоварување, дури и без симптоми, е исто како кај возрасните со симптоми“, вели д-р Соријано за „Би-Би-Си“.
