Употребата на опоиди во текот на бременоста е поврзана со промени во мозокот на детето, укажува нова студија. Имено, се покажало дека опоидите ја менуваат поврзаноста во подрачјето на мозокот одговорно за емоции.
Се смета дека идни истражувања треба да ги расветлат последиците на овие промени во мозокот. Исто така, според мислењето на стручњаците, оваа студија претставува исчекор во сознанието како опоидите не само што влијаат на детското здравје, туку и на неговото однесување.
Неонаталниот апстиненциски синдром е резултат на нагло прекинување на изложувањето на фетусот на соединенија кои мајката ги користела додека била бремена. Оттука, децата изложени на опоиди, кога ќе се родат и немаат повеќе извор на сите соединенија, може да развијат симптоми на повлекување.
Симптомите на повлекување кај новороденчето најчесто се јавуваат во првите 48 часа од животот, а вклучуваат раздразливост, тремор, неутешно плачење, несоница, немир, хипертонуд, неадекватно цицање, отежнато хранење, претерана желба за храна, повраќање, пролив, слабо напредување во телесна маса, губење на телесна маса, кивање, кашлање и претерано потење.
