Јадежот и осипот се симптоми на новиот коронавирус кај голем број на Британци кои биле позитивни на КОВИД-19. Истражувањето опфатило над 20.000 Британци кои биле позитивни на новиот коронавирус или сериозно се сомневале дека се заразени.
Девет проценти од оние за кои се потврдило дека се инфицирани со новиот коронавирус, пријавиле и симптоми како што се осип на кожата или јадеж (чувство на чешање).
Научниците сега апелираат Институтот за јавно здравје на Велика Британија го додаде осипот како еден од официјалните симптоми, бидејќи едно лице од 11 заразени го имало токму овој симптом.
“Случаевите на зараза не смеат веќе да минуваат ‘под радарот’, поради што кавноста би требала да знат дека и осипот е еден од симптомите„, велат експертите.
Британскиот институт за јавно здравје на официјалниот список на симптоми на КОВИД-19 ги наведува зголемената телесна температура, сувата кашлица и губењето на сетилото за мирис или вкус.
Со оглед дека во оваа земја не се “признаваат“ симптомите како што се стомачни тегоби, пролив или други, голем број граѓани немаат пристап и можност за тестирање, поради што продолжуваат да го шират вирусот, потенцираат лекарите.
Во некои земји, на списокот на официјални симптоми на новиот коронавирус се впишани дури 19, меѓу кои се заморот, губење на апетитот, осип, чувство на суви очи и главоболка.
