Периодот на настинка и грип за бремените жени е особено критичен. Сега, кога се појави коронавирусот, многумина се наоѓаат во страв и за себе и за своето бебе. Стручњаците не се сигурни како овој вирус се однесува кај трудна жена и дали воопшто има ефект на самата бременост. Она што дефинитивно го знаат и го истакнуваат се добрите хигиенски навики како најдобра заштита.
Досега не се направени доволно студии кои би покажале на кој начин овој вирус влијае додека жената е бремена.
Трудниците се поподложни на сериозни инфекции на грип во споредба со останатите на иста возраст, според податоците на Центарот за контрола и превенција на болести во САД. Тоа е бидејќи во бременоста се менува имуниот систем, а капациететот на белите дробови се намалува како бременоста напредува. Сепак, ова не значи дека тие се поподложни и на коронавирусот.
Сепак не постојат конкретни информации, губењето на бебето може да се поврзе и со некои други слични инфекции за време на бременоста. Висока телесна температура во првото тромесечке го зголемува ризикот од појава на вродени аномалии, истакнува Центарот за контрола и превенција на болести.
Експертите им предлагаат на бремените жени да се грижат за себе на начин кој секому му се препорачува.
“Ова е вирус за кој нема вакцина или билокаков третман, па најдобрата заштита би била зголемена хигиена во овој период“, вели д-р Амеш Адаља.
Мијте раце, избегнувајте заразени лица
При миењето раце користете сапун и топла вода и тријте ги рацете најмалку 20 секунди. Истовремено, не доаѓајте во контакт со заразени лица.
Вирусот на грип може да биде многу опасен во бременоста, но предноста е што за него постои вакцина со која бремената жена да ја прими и да се заштити.
Дали ви е потребна заштитна маска во бременоста?
Маските нема да ви помогнат да се заштитите.
“Ако ставите маска, а болни сте, така спречувате ширење на вирусот на другите луѓе. Ако излезете надвор со маска, особено со обична хируршка мска, која повеќето луѓе ја носат, тоа нема да спречи вирусот да дојде во контакт со вас“, објаснува д-р Адаља.
