Нивото на антитела може да опадне по 7 месеци кај луѓето кои ја примиле вакцината „Фајзер“, според новата студија објавена на серверот bioRxiv.
Во студијата, која се уште не е рецензирана или формално објавена во медицинско списание, истражувачите анализирале примероци од крв од 46 здрави млади или средовечни возрасни лица, откако примиле две дози, и потоа 6 месеци по втората доза.
Тековните варијанти, особено делта варијанта, се позаразни од оригиналниот коронавирус, но не се доволно различни за да ги избегнат сегашните вакцини. Но, новите соеви би можеле да ги избегнат засилувачите, вели д-р Угур Сахин, ко-основач и извршен директор на BioNTech
„Нашата студија покажува дека вакцинацијата со вакцината Pfizer-BioNTech предизвикува високо ниво на неутрализирачки антитела против оригиналниот вирус, но овие нивоа се намалуваат за скоро 10 пати за 7 месеци“, велат истражувачите за „Ројтерс“.
Кај околу половина од возрасните, неутрализирачките антитела не можеле да се детектираат на 6 месеци по втората доза, особено против варијантите на коронавирус, како што се делта, бета и му.
Неутрализирачките антитела сочинуваат само дел од имунолошката одбрана на телото против вирусот, но тие се уште се „критично важни“ во заштитата од инфекции со коронавирус.
„Овие наоди сугерираат дека администрирањето на засилувачка доза околу 6 до 7 месеци по првичната имунизација најверојатно ќе ја зголеми заштитата“, пишуваат авторите на студијата.
BioNTech рече дека најверојатно ќе биде потребна нова формула за вакцина до средината на 2022 година која ќе штити од идните мутации на вирусот, според „Фајненшл тајмс“.
„Оваа година, различна вакцина е целосно непотребна, но до средината на следната година, тоа може да биде поинаква ситуација“, рече д-р Угур Сахин, ко-основач и извршен директор на BioNTech, за весникот.
Тековните варијанти, особено делта варијанта, се позаразни од оригиналниот коронавирус, но не се доволно различни за да ги избегнат сегашните вакцини, рече тој. Но, новите соеви би можеле да ги избегнат засилувачите.
„Овој вирус ќе остане и дополнително ќе се прилагоди“, рече Сахин. „Ова е континуирана еволуција, а таа еволуција само што започна“. (WebMD)
