Новиот коронавирус SARS-CoV-2 може да остави повеќе од 40 отсто од хоспитализираните деца поради КОВИД-19 со главоболки и други долготрајни невролошки симптоми, тврди нова студија објавена во Pediatric Neurology. Исто така, децата кои развиле главоболки или доживеале променет ментален статус познат како акутна енцефалопатија поверојатно е дека ќе им биде потребна интензивна нега.
Вирусот SARS-CoV-2 може да влијае на децата на различни начини: може да предизвика акутна болест, каде симптоматската болест се јавува набрзо по инфекцијата, или децата може да развијат воспалителна состојба наречена мултисистемски воспалителен синдром (MIS-C) недели по елиминирање на вирусот.
Ова истражување покажало дека невролошките симптоми се почести кај децата со MIS-C, кои исто така имале поголема веројатност дека ќе имаат два или повеќе од тие симптоми.
Кај децата со мултисистемски воспалителен синдром, често се воочени главоболки, акутна енцефалопатија и вртоглавица. Додека кај децата кои имале акутен КОВИД-19 исто така се забележани главоболки и акутна енцефалопатија, како и епилептични напади. Поретките симптоми вклучувале губење на мирис, оштетување на видот, мозочен удар и психоза.
