Крварењето во бременоста во првото тромесечие обично се препишува на хормоналните промени. Вообичаени се благи крварења во време кога треба да настапи менструалниот циклус и кога јајце клетката се вградува во ткивото на матката. Исто така, многу жени крварат помеѓу 10. и 12. недела, кога постелката се всадува во матката.
Крварењата често се поврзани со постелката – било да лежи ниско во матката, па делумно или целосно го прекрива грлото на матката (спуштена постелка), било да лежи на лузната од претходниот царски рез, или пак затоа што дошло со делумно или целосно одвојување од ѕидот на матката. Таквите крварења обично се обилни и може да го загрозат и животот на мајката и на бебето, но тогаш не значи дека станува збор за најлошото. Постелката е голем орган и ако од матката се одвои само еден нејзин дел, со бебето се уште може да биде се во ред.
Ерозија на грлото на матката
Исто така, може да се случи да дојде до крварење од грлото на матката поради засилен доток на крв, што го прави тоа подрачје пречувствително. Тоа се нарекува ерозија на грлото на матката и обично се случува по сексуален однос.
Понекогаш крварењето во бременоста не е воопшто поврзано со бебето и репродуктивните органи. На пример, хемороидите може да крварат и да ве наведат на мисла дека крварите од вагината; исто така крв може да се појави во урината ако имате инфекција на уринарните патишта.
Што треба да направите?
Никогаш немојте да го занемарувате крварењето во бременоста, но колку е итно одењето на лекар, зависи од симптомите. Ако забележите крв, поставете си ги следните прашања:
- Колку крв губам?
- Која е бојата?
- Чувствувам ли болка?
Ако истечат само неколку капки крв и не чувствувате никакви болки, веројатно е се во ред, но напоменете му го тоа на лекарот на следниот преглед. Тоа посебно се однесува на кафенкаста крв, која обично е заостанок на од благо крварење од претходна бременост или дури од последниот менструален циклус. Но, ако крварењето е со црвена боја, обилно и проследено со болки, веднаш побарајте лекарска помош.
