Абдоминална болка во бременоста: Кога да се обратите на лекар?

Блага абдоминална болка за време на бременоста, особено во првиот триместар не е редок случај. Имено, таа се појавува како резултат на растот на самата матка. Меѓутоа, болката никогаш не треба да се игнорира и совет е секогаш да се обратите на лекар.

Абдоминалната болка за време на бременоста не е ретка појава и може да настане поради бројни причини. Додека за некои нема место за паника, други причини знаат да бидат и тоа како сериозни. 

Блага абдоминална болка за време на бременоста, особено во првиот триместар не е редок случај. Имено, таа се појавува како резултат на растот на самата матка. Меѓутоа, болката никогаш не треба да се игнорира и совет е секогаш да се обратите на лекар.

Во продолжение дознајте што се може да предизвика болка во стомакот за време на бременоста.


ПРИЧИНИ

  • Според статитиските, пометнување (спонтан абортус) се случува кај секоја четврта бремена жена. Оттука, прво и основно, болка во стомакот за време на бременоста, може да настане и поради пометнување.
  • Истегнување на лигаменти поради раст на матката, е една од причините за болка во стомакот.
  • Поместувањето на фетусот исто така може да предизвика оштра болка, која може да трае од неколку секунди до неколку часа.
  • Познатите Брекстон-Хиксови контракции, односно лажни контракции се исто така причина за болка во стомакот во некои случаи.  
  • Предвремено породување може да даде болка во стомакот за време на бременоста.
  • Запек и проблем со гасови може да доведе до болка во стомакот.
  • Цисти на јајчниците, исто така предизвикуваат болка во стомакот.
  • Напад на слепо црево предизвикува силна болка и може да се случи и кај бремени жени.
  • Камен во бубрегот или пак инфекција на уринарните патишта може да предизвика болка.