Многумина се уште не сакаат да примат вакцина, а една од причините е мислата дека таа ќе влијае на (не)плодноста. Сите значајни здравствени институции сметаат дека за тоа до денес не постојат докази.
Клиничките истржувања, како оние за новите вакцини, обично не вклучуваат трудници, па е јасно дека се работи за ограничени информации за влијанието врз бремените жени, па така вакцините се достапни и за трудниците.
Д-р Раминдер Кангура, стручњак за плодност од Детроит наведува дека 23 жени останале бремени во текот на клиничките студии за вакцината Фајзер, а 12 од нив биле во групата која примила вакцина. Тој вели дека лично се грижел за нив, а голем дел од нив се од медицинската струка. Според него, се чини дека нема сигнали кои би упатувале на појава на спонтан абортус или абнормалности кај фетусот.
Инаку, само мал број лица имале изразени нуспојави на вакцината, а повеќето од нив биле благи и бро минливи, а тоа важело и за бремените жени.
Д-р Џозеф Биџио од Институтот за женско здравје во Њу Орлеанс, вели дека благо покачената температура е една од последиците, е тоа може да биде опасно за трудниците.
“Секоја жена се плаши од покачена температура во првото тромесечје, но всушност се работи за многу блага температура како последица од вакцината, брзо поминува и е многу пониска отколку онаа која се јавува заради самата инфекција“, додава д-р Биџио.
Многумина сметаат дека вакцината не е добро проверна, оти брзо е развиена, што е вистина, но стручњаците предупредуваат дека не е прескокнат ниту еден чекор на проверка на безбедноста.
Иако оваа вакцина не постоше минатата година, технологијата што ја произведе постои веќе еизвесно време. мРНА што ја користат Фајзер и Модерна е развиена пред 30 години. Ниту една од вакцините што постојат не содржи жив вирус, единствената вакцина што треба да ја избегнуваат бремените жени.
ДАЛИ ИМА ВЛИЈАНИЕ НА МЕНСТРУАЛНИОТ ЦИКЛУС?
Иако некои жени пријавиле дека доживеале промени во циклусот, експертите велат дека нема доволно докази за да се потврди дека вакцината може да предизвика промени во циклусот, но тоа може да се поврзе со стресот и рекацијата на пандемијата, или може да биде само случајност. Лекарите не знаат точно што може да се случи затоа што врската помеѓу КОВИД и менструалниот циклус е многу слабо анализирана. Слабото крварење или предвремената менструација не се тема на истражувањата, ниту, пак се наведен проблем како несакан ефект, особено затоа што многумина нема да го поврзат циклусот со вакцинацијата.
Постојат неколку теории кои може да појаснат што всушност се случува. За почеток, д-р Кели Кулвел, гинеколог од Сан Диего, наведува дека стресот е важен фактор.
“Вакцината мора да го ‘истресира’ телото за да спроизведе антитела, а менструалниот циклус во голема мера зависи од стресот. Тоа може да се случи и со другите вакцини, разликата е што досега не сме имале масовна имунизација за која се расправало и на социјалните мрежи“, појаснува таа.
Таа се сомнева дека пријавените промени се поврзани со одговорот на имуниот систем и влијанието на вакцината на ендометриумот. Можно е улога да играат и факторите како стрес поради пандемијата и социјалната достанца.
БРЕМЕНОСТ И КОВИД-19
Додека науката нема докази дека вакцината не е безбедна за бремените жени или за оние кои планираат да бидат, самата болест може да биде. Жените кои се бремени и имаат КОВИД-19, најверојатно ќе завршат во болница, па дури и поверојатно е да починат од оние кои не се бремени.
Факт е дека бременоста со КОВИД доведува до посериозни последици од болеста, како што се дебелина, дијабетес или белодробни заболувања. Затоа нема докази дека вакцината КОВИД-19 предизвикува неплодност. Центарот за контрола и превенција на болести не советува да се направи тест за бременост пред вакцинацијата. Ако планирате да забремените, слободно можете да работите на тоа дури и откако сте ја примиле вакцината.
