Секој има одредени совети кога е во прашање што да се очекува за време на бременоста, но многу малку луѓе издвојуваат дел од своето време за да ја кажат вистината за емоционалниот вител кој ве очекува по породувањето. Ова го тврдат огромен процент на бремени жени при спроведена анкета и еве што тие издвоиле кои се емоциите со кои се соочиле по породувањето, за кои стручњаците тврдат дека се сосема нормални.
СТРАВ
Брзо ќе видите дека мајчинството со себе носи низа на нови стравови. Од помали до оние посложени, стравот кај многу мајки може да стане често чувство во раните фази на родителството. Но, не си сама, велат лекарите. Многу мајки велат: “Се плашам да бидам сама со бебето, Како да го нахранам, Како да го смирам“. Да се плашите дека нема да го направите она кое е добро за вашето дете, бидејќи сте нова мајка е сосема нормално. Само споменатото чувство ви е ново. Запомнете дека дефинитивно не сте прва мајка која се борела со стравови и сигурно нема да бидете последна.
ТАГА
Очите ви се постојано полни со солзи. Значи ли тоа дека сте тажна што сте станале мајка? Секако дека не. Нормално е да плачете. Било да се среќна или тажна. Нормално е да плачете ако прв пат сте се породиле и се уште не знаете точно да му ставите пелена на бебето. Нормално е да плачете и кога ќе ја изгледаш омилената серија и немаш што да гледаш во ноќите додека бебето спие.
Сузан Феинголд, клинички психолог вели дека чувствата на испрекината тага, плачливост и емоционална пречусвтвителност не се необични. Тие се вообичаен дел од привремената состојба на расположение кое трае не повеќе од неколку дена или недели.
“Таканаречениот baby blues, не треба да се меша со постпородилното расположение и анксиозните пореметувања“, предупредува Феинголд.
РАДОСТ
Знаете дека вашето дете ќе ви донесе голема радост во животот, но всушност не знаете колку таа радост може да биде голема, се додека детето не се роди. Сите позитивни емоции, заедно со негативните, ќе се спојат и ќе предизвикаат чувство кое не може да се спореди со ништо. Речиси е неверојатно колкава среќа тоа мало човече, кое се уште не убаво не ве видело, кое не знае да зборува, може да донесе среќа во вашиот живот.
Зевање, протегнување, мрдање на рачето се движења кои вообичаено не ги забележуваме, а сега ќе станат нешто најдобро во светот. Од плач и неконтролирани солзи, до солзи од среќа кои доаѓаат со насмевка, бакнежи и прегратки. Сето тоа ќе го почувствувате како најсреќен миг во животот.
ЛУТИНА
Можеби никој тоа нема да го признае, но сосема е нормално во првите неколку денови по породувањето да почувствувате лутина. Било да ја почувствувате кон себе, поради тоа можеби бебето нема добро да цица или затоа што не можете да го смирите, но сето тоа е повторно нормално.
Д-р Феинголд објаснува дека ова не е невообичаено, особено кај жените кои имаат големи очекувања или се склони кон перфекционизам. Меѓутоа, таа предупредува и на сериозноста од тоа.
“Значајна лутина или раздразливост може да бидат симптоми на пореметување на расположението по породувањето, односно постпородилна депресија“, вели таа.
Ако тие симптоми ве спречуваат во решавањето на одредени проблеми, д-р Феинголд препорачува да се обратите кај својот гинеколог и да поразговарате со него отворено.
