Да се биде мајка, значи да се жонглира со домашните обврски, децата, кариерата…
КАРИЕРА
Според центарот за истражување Pew Research Center, во 40% од домаќинствата мајката е еден или примарен извор на приходи во САД. Се работи за финансиска сигурност, а анкетата на Харвард покажала дека децата со мајки кои работат имаат поголеми шанси сами да си најдат работа и да имаат стабилна плата.
ДОЕЊЕ
Речиси 80% од новите мајки почнуваат да дојат, но до првата година од животот на бебето, таа бројка паѓа на 27%, тврдат од Центарот за превенција и контрола на болести. Некои жени не можат да дојат, не сакаат или мораат да се вратат на работа. Не само што жените се чувствуваат виновни оти не можат да дојат или дојат прекратко, постојагт и случаи кога ги осудуваат што дојат предолго.
ВИКАЊЕ
Нереално е очекувањето дека мајките секогаш ќе бидат мирни. Ако сепак, често викате, постои шанса да имате некој друг проблем кој на тој начин го изразувате. Застанете, опуштете се и сфатете дека сте само човек и дека понекогаш може да згрешите.
ТЕЛЕФОНИ
Чувствувате вина оти сте одлучиле да вежбате 30 минути додека децаат гледаат цртани? Немојте. Секако, премногу време минато пред екрани не е пожелно, но ништо нема да му наштети на развојот на детето ако баланисрате и им дозволите на децата да се забавуваат. И вам ви е потребен одмор.
ВРЕМЕ ЗА СЕБЕ
Мајките мислат дека животот мора да се врти околу децата, но ако сакате да бидете добра мајка, доволете си време за себе. Не само што е важно да се грижите за своето ментално здравје, клучот е во тоа да бидете и добар пример. Не сте себични ако одвоите време за себе. Всушност, одговорни сте, оти знаете дека тоа е најдобро за вас и за вашите деца.
