За само два дена децата почнуваат во училиште. Чувствата се измешани, а може да се јави и поголема количина на стрес, загриженост, па некогаш и страв. Пеперутките во стомакот се речиси па неминовни.
По распустот, тешко е да се навикнеш на промени, па сосема е разбирливо што овој период е толку предизвикувачки.
Ви издвојуваме на кои начини можете да му помогнете на вашето дете да се чувствува подобро и да влезе во нови работни навики со што е можно помал стрес и многу поедноставно.
- Воспоставете училишна рутина
Почнете да го навикнувате детето да станува и да легнува во исто време секој ден, започнете со некои здрави секојдневни навики, како што се вежбање и здрав појадок. Следете рутина за да може детето да се навикне на училишните обврски.
- Разговарајте за поаѓањето на училиште
Многу деца се соочуваат со некој вид страв и стрес кога станува збор за одење на училиште. Разговарајте и обидете се да откриете што го загрижува.
Поддржете го детето да зборува за неговите чувства и убедете го дека неговите чувства се во ред и сосема нормални.
- Поимот училиште нека носи позитивни емоции
Доколку на детето му зборувате за училиштето од позитивен аспект, со некаква возбуда и охрабрување, тоа ќе го прифати како нешто убаво и пријатно.
Зборувајте за работи што детето ги сака на училиште, за секојдневното дружење, но и за интересни информации што наскоро ќе ги дознае и научи.
Побарајте знаци на стрес
Истражувањата велат дека родителите често не забележуваат колку детето е вознемирено или под стрес. Еве како можете да забележите стрес кај детето:
– Многу е понервозно од вообичаено
– Често плаче
– Се обидува да ги избегне обврските, особено поврзани со училиштето
– Помладите деца можат да почнат да го цицаат палецот наместо да си играат со играчки соодветни за возраста
Ако мислите дека има потреба, слободно разговарајте со наставникот или класниот раководител. Заедно полесно ќе најдете решене, но исто така ќе ја пронајдете и причината за ова. Можеби пријателите го исмејуваат детето или се случува нешто што го повредува.
