Се поголем е бројот на заболени од респираторен синцицијален вирус или РСВ, а најранливи се најмладите возрасни групи, односно новороденчињата и доенчињата до шест месеци. РСВ предизвикува инфекции на респираторниот систем, кои најчесто се манифестираат со симптоми на инфекција на горните делови на респираторниот систем, како настинка.
РСВ е најчеста причина за бронхиолитис, воспаление на малите дишни патишта во белите дробови, кај доенчињата. Многу е заразен и се пренесува преку капки
Овој вирус, меѓутоа, може да предизвика и инфекции на долните делови на респираторниот систем, како што се бронхиолитис и пневмонија. РСВ е најчеста причина за бронхиолитис, воспаление на малите дишни патишта во белите дробови, кај доенчињата. Многу е заразен и се пренесува преку капки.
Иако постојат неколку симптоми на РСВ, како што се течење на носот, кашлица, намален апетит, грозница, замор, раздразливост и кивање, медицинската сестра Ники Јуркуц укажува на еден специфичен знак благодарение на кој родителите можат да препознаат дека нивното дете го има вирусот. Станува збор за отежнато дишење, кое најлесно може да се препознае по вовлекувањето на градните мускули и кожата меѓу ребрата.
Во видеото кое го објави на својот профил на ТикТок Tiny Hearts, може да се види бебе од само еден месец кое го покажува токму тоа поради отежнато дишење.
„Еден од знаците на РСВ кај децата е очигледното вовлекување на градните мускули и кожата помеѓу ребрата“, напиша таа под објавата, апелирајќи до родителите доколку го забележат овој симптом кај детето веднаш да побараат лекарска помош бидејќи најверојатно се работи за вирус кој е многу сериозен и може да резултира со опасни последици по здравјето на детето.
