Иако царскиот рез е породување, како и вагиналното, не е реткост да се создаваат дискусии околу тоа дали ова е полесен и полаку болен начин на породување. Мајката Реј Ли од Мисури – САД, на социјалните мрежи објави нецензурирани фотографии на својата лузна по царски рез како одговор на често неинформираните, непромислени и груби коментари на други луѓе.
Во постот, мајката со ироничен текст им се обраќа на оние кои коментираат: “О, царски рез? Значи ти всушност не си родила. Сигурно ти е мило што си се извлекла на полесен начин. Аха, да, мојот итен царски ре беше полесниот излез. Навистина не беше тешко да имап трудови болки 38 часа пред породување да се искомплицира и на моето бебе буквално му застануваше срцето со секоја моја трудова болка“.
Оваа мајка објаснува дека немала избор и на царски рез морала за да го спаси животот на своето дете, но со оглед дека оваа голема операција на абдоменот е “полесен излез“, породувањето не било “ништо посебно тешко“.
“Погрешно! Ова е сарказам. Ова беше најболното искуство кое сум го доживеала во животот. Сега сум една од оние моќни мајки со лузна со која докажувам дека сум дозволила бебето да се исече од мене и натаму сведочам за тоа“, напишала Реј.
“Фактот дека од мал рез од неколку сантиметри од мене излекоа живо и плачливо дете, а пред тоа ги исекоа сите слоеви кожа, масно ткиво, мускули и органи за да дојдат до детето е нешто сосема поразлично од она како замислував дека ќе изгледа раѓањето ан мојот син. Тоа не беше пријатно искуство и се уште не е. Ги користиме мускулите на трупот буквално за се… дури и за седење. Замислете какво е чувството кога не можете да ги користите речиси шест и повеќе недели. Кога медицинската сестра прв пат ќе ви каже да станете од креветот, а вие умирате од болките бидејќи телото буквално ви се отвора од шиеното. И тогаш ја сфаќате иронијата во секој коментар кој вели дека тоа е полесниот излез.
