Создавањето нив живот е магично, но кога на тоа ќе се додадат бројни “народни или бабски“ приказни за тоа што трудниците смеат и не смеат, особено во текот на летните месеци, се добиваат неколку навистина неверојатни митови поврзани со летната бременост. Еден од најчестите митови е дека на трудниците, без оглед на летната температура, секогаш им е топло.
Регулација одвнатре
Точно е дека температурата на телото на трудниците е малку повисока од вообичаената поради зголемената работа на организмот поради бебето кое се развива, но неточно е дека трудниците постојано се “препотуваат“. Што се однесува до жештините, еден од широко распространетите митови е и дека трудниците не смеат да се сончаат на плажа, бидејќи тогаш бебето во стомакот е изложено на дополнителна топлина.
“Бебињата се апсолутно заштитени со регулирање на телесната температура на мајката“, објаснува гинекологот Ула Мартон. Со други зборови, трудничкиот стомак смее (умерено) да се сонча бидејќи внатрешната температура ја регулираат механизми на кои не делува изложеноста на сонце. Сепак, важно е соодветно да се заштитите од сончевите зраци од 12:00 до 17:00 часот, користејќи крема со висок заштитен фактор, бидејќи кожата е почувствителна за време на бременоста.
МИТОВИ И ВИСТИНИ
МИТ – Сончањето е опасно
Едно од “народните“ верувања вели дека на трудниците им е постојано жешко и дека сончањето може премногу да го загрее стомакот и бебето, па најдобро е трудницата воопшто да не излегува на сонце.
СОВЕТ – Умерено сончање пред 11 часот и по 17 часот може само да ви користи, а детето во матката е заштитено од прегревање. Пијте доволно вода и нанесувајте крема за сончање.
МИТ – Избегнувајте море
Морето е премногу студено, па трудницата може да доживее шок при капењето. Затоа, подобро е да се капете во базен или во бањи, често е препораката во разговор што го слушаат многу трудници.
СОВЕТ – Пливањето во море е одлична физичка активност за трудницата, а освен тоа, во базен или бања постои закана од габични и бактериски инфекции, на кои сме повеќе склони во текот на бременоста поради промената на pH вредноста на матката.
МИТ – Мокриот костим за капење е во ред
На топло, костимот за капење брзо се суши и нема потреба да се пресоблекувате веднаш штом излезете од море. На плажа треба да ги покриете нозете со крпа за да не ви искочат вените, е совет кој се уште се слуша.
СОВЕТ – Секогаш треба да го пресоблечете мокриот костим за капење за да спречите воспаленија на мочниот меур. И токму спротивното, никогаш не треба да ги покривате нозете на сонце затоа што вените ќе излезат токму тогаш.
