Вашето дете влегува во пубертет, како да зборувате за тоа? Градите на девојчињата почнуваат да растат, менструацијата започнува, па промената е јасно видлива. Момчињата почнуваат да лачат повеќе тестостерон и нивните тестиси се развиваат. Иако пубертетот и кај двајцата започнува на приближно иста возраст, се случува родителите полесно да зборуваат за физичката промена кај девојчињата отколку кај момчињата. Зошто?
Токму поради промената која е видлива на прв поглед. Кога момчињата почнуваат да мутираат, тие веќе влегле во подлабок пубертет и родителите обично започнуваат важен разговор дури тогаш. Не гледаме што се случува со нивните интимни делови, па не сме ни свесни дека тоа се случува.
Првите промени кои момчињата ги забележуваат при влегувањето во пубертет се случуваат во надворешните гениталии, во тестисите, кога половите хормони го поттикнуваат развојот на гениталиите и го „претвораат“ момчето во маж, односно кога настанува половото созревање.
Околу 14-тата година се јавуваат ноќни ејакулации кои често уште повеќе ги збунуваат момчињата, а тие прилично се срамат да зборуваат за тоа. Покрај овие промени, значаен е и поинтензивниот изглед на косата, а валкната на лицето (под носот и на брадата) докажуваат дека конечно влегуваат во светот на мажите.
Психолозите ги поттикнуваат родителите да разговараат со момчињата на ист начин како со девојчињата, а првите разговори да ги започнат по десетгодишна возраст. Некои деца се поотворени за овој важен разговор, додека некои се затворени и се чувствуваат непријатно.
Обидете се да го одржите разговорот спонтан, отворајќи ја темата попатно и дозволете му на детето да поставува прашања. Истражувањата покажале дека девојчињата се поотворени за вакви разговори и дека родителите генерално, штом забележат дека девојчето влегло во пубертет, почнуваат да ја почитуваат нејзината приватност. На пример, ако девојчето влезе во соба и ја затвори вратата зад неа, повеќето родители ќе чукнат пред да влезат. Меѓутоа, тоа обично не е случај со момчињата. Според зборовите на Кара Натерсон, американски педијатар која се занимава со развојот на децата низ пубертетот, и момчињата треба да се третираат на ист начин – треба да им се даде слобода да имаат своја приватност.
Родителите често не гледаат уште една важна компонента, а тоа е дека момчињата и девојчињата можат да имаат искривена слика за себе и за своето тело. На пример, на девојките често им се кажува дека постои лажен модел на убавина, кон кој не треба да се стремат, туку да се прифатат и сакаат себеси и своето тело. Сепак, малкумина мислат дека и момчињата се изложени на фотографии од згодни мажи, мускулести тела и блескави насмевки. Како и девојчињата, така и момчињата во пубертетот, поради наметнатиот модел на убавина, можат длабоко да доживеат неприфаќање на сопствениот изглед и себеси како целосни личности.
Што и кога да разговарате со момчињата во пубертет?
10 – 12 години: Ова е почеток на пубертетот и би било пожелно родителите на оваа возраст да започнат воведни разговори со децата за промените што ги очекуваат. Општо запознавање на детето со фактот дека наскоро ќе влезе во период од животот кога поради хормоналните промени ќе има постепени промени во телото. Кај момчињата на оваа возраст, телото веќе почнува да лачи повеќе тестостерон, а тестисите се зголемуваат во големина.
12. -13. година: Во оваа фаза, повеќето момчиња доживуваат спонтана ејакулација, имаат таканаречени влажни соништа и се јавува потреба за самозадоволување. Ако дотогаш не сте почнале да разговарате со вашето дете за пубертетот, време е. Но, сметајте на фактот дека тоа може да биде подеднакво непријатно и за него и за вас.
13 – 16 години: Ова е периодот кога вашето дете станува вистински маж, се јавува мутација, растат влакна на телото, се појавуваат мустаќи и брада. Доколку успешно сте комуницирале во претходните две фази, сега, што се однесува до физичките промени, нема да имате никакви проблеми во комуникацијата. Но, сега вториот дел е важен. Понекогаш вашиот тинејџер ќе има бурни реакции, понекогаш ќе се повлече во себе, кај него се случуваат разни психолошки промени. Дајте му поддршка и благодарност, а времето поминато во квалитетен разговор е од големо значење.
