Не постои клиничка дефиниција за блага форма на Ковид, што остава голем простор за толкување. Во принцип, се чини дека лекарите се согласуваат дека благ Ковид е секоја форма на Ковид-19 што не ве става во болница.
„Тоа би биле симптоми кои не се доволно сериозни за поради нив да останете во болница“, вели д-р Вилијам Шафнер, специјалист за заразни болести и професор на Факултетот за медицина на Универзитетот Вандербилт.
Важно е да останете сити и хидрирани и во повеќето случаи – тоа е доволно
„Тие варираат од речиси никакви симптоми до тешка настинка и заминување во кревет на неколку дена“, објаснува тој.
Дел од симптомите на благ Ковид:
- треска
- кашлица
- краток здив или отежнато дишење
- замор
- болки во мускулите или телото
- главоболка
- губење на вкус или мирис
- воспалено грло
- затнат нос или течење на носот
- гадење или повраќање
Што можете да направите ако имате благи симптоми?
Благите симптоми може да траат од три до седум дена. Важно е да останете сити и хидрирани и во повеќето случаи – тоа е доволно.
Сепак, експертите препорачуваат вакцинација бидејќи таа гарантира ситуацијата да не излезе од контрола, односно да не излезе надвор од рамката на благ Ковид.
