Перинаталната депресија е постојано, сеприсутно лошо расположение со различен интензитет и траење. Погаѓа приближно една од 10 жени за време на бременоста.
Депресијата може да има негативни влијанија на бебето, од следниве причини:
- Кога сте депресивни не водите сметка за себе и за своето здравје. Не се храните здраво и не внесувате хранливи материи. Понекогап се занемаруваат редовните здравствени контроли и анализи. Сето тоа може да има краткотрјано, но и долгорочно влијание по здравјето на детето.
- Ако сте депресивни, склони сте кон консумирање на алкохол, цигари… и се друго што штетно може да влијае на развојот на бебето
- Поголеми се можностите депресијата да продолжи и по продувањето, па поради тоа потешко ќе ви биде да се поврзете со бебето.
Поради сето ова, депресијата за време на бременоста со себе носи ризици:
- Бебето може послабо да напредува
- Може да дојде до предвремено породување
- Бебето може да се роди со помала телесна тежина
- Бебето по раѓањето може да биде раздразливо или неактивно
- Подоцна во животот, детето може да има потешкотии со учење, развој или склоност кон менатлни болести.
