Со откривањето на ултразвукот, најчесто преку овој преглед се открива полот на детето, иако денес постојат и крвни тестови кои можат да откријат дали носите момче или девојче уште во првиот триместар. Но, колку е прецизен ултразвучниот преглед во одредувањето на полот?
Покрај следењето на растот и развојот на плодот за време на бременоста, со ултразвук се следи и состојбата на постелката, каде се наоѓа и слично. Во 90 проценти од случаите, ултразвукот може точно да го одреди полот на детето, додека во десет проценти од случаите резултатите може да бидат погрешни.
Почесто се случуваат грешки при одредувањето на машкиот од женскиот пол, а оптимален период за одредување на полот на детето на овој начин е вториот триместар од бременоста.
Зошто доаѓа до грешки при ултразвук?
Неколку фактори влијаат на веродостојноста на одредувањето на полот на бебето со ултразвук.
Рана бременост – во раната бременост, невозможно е точно да се одреди полот на детето бидејќи половите органи се уште не се целосно формирани и тешко се гледаат. Експертите истакнуваат дека полот на бебето не може да се види на ултразвук пред 15-та недела од бременоста, а идеално е помеѓу 18-та и 22-та недела.
Положбата на бебето – бебето во стомакот може да биде свртено да не се гледа полот, односно да не се гледа половиот орган. Исто така, може да се случи докторот за постелката да мисли дека тоа е полов орган на момче, но трудницата всушност да носи девојче.
Доцна бременост – во третиот триместар од бременоста, бебето веќе пораснало и ја заземало целата матка, има помалку простор за движење, па поради тоа и ултразвучната слика е помалку јасна.
Патологии во развојот на гениталиите – за жал, се случува и гениталиите на бебето да не се развиваат како што треба.
Искуство на лекарот – секој гинеколог има доволно знаење да прочита ултразвук и да го одреди полот на детето (кога бременоста е доволно напредната за да се види), но секако дека искуството на докторот може да помогне во одредување на точниот пол.
Квалитет на апаратурата – заедно со искуството на лекарот и исполнувањето на сите други услови, пред се гестациската возраст, добриот квалитет на опремата што се користи за ултразвучниот преглед ги зголемува шансите за точно одредување на полот на детето.
Колку често греши ултразвукот?
Експертите велат дека грешки се можни во околу пет проценти од случаите. Најмалку грешки се случуваат при користење на 3Д и 4Д технологијата за ултразвучен преглед, додека шансите за грешка се малку поголеми со 2Д ултразвук.
