Нашите животи се сменија многу во последните две години од почетокот на пандемијата на Ковид-19, и додека животот полека се враќа во нормала, пандемијата не е завршена. Луѓето сè уште се заразуваат со вирусот и бројот на заразени се зголемува во многу делови на светот, па и кај нас.
Согласно податоците од Институтот за јавно здравје, Министерството за здравство вчера информираше дека во последните 24 часа направени се 1.489 тестови, а регистрирани нови 511 случаи на КОВИД-19, од кои најголемиот дел се во Скопје (276).
Кои се симптомите на новите варијанти на коронавирусот?
Д-р Кари-Винчел од Carbon Health and Saint Mary’s Hospital, која од почетокот лекува пациенти со Ковид-19 вели: „BA.4 и BA.5 се две нови варијанти кои предизвикуваат зголемување на бројот на нови инфекции. Овие подваријанти се загрижувачки поради нивната способност брзо да ја шират инфекцијата и да заразуваат луѓе кои претходно прележале Ковид-19.“
Вакцинирајте се или бустирајте што е можно поскоро. Ако живеете во област со мала покриеност со вакцинација, носете маска N95, не патувајте, одржувајте физичка дистанца, избегнувајте големи собири, мијте ги рацете и штитете го својот живот и животите на другите
Колку е ефикасна вакцината против новите варијанти?
„Вакцината штити од Ковид-19 на начин што ве штити од потешки форми на болеста и хоспитализација. Во моментов, истражувањата покажуваат дека вакцините се помалку ефикасни против новите варијанти“, изјави докторката за порталот „Eat This“.
Зошто луѓето и понатаму треба да се вакцинираат ако оригиналната варијанта повеќе не е доминантна?
„Често ја слушаме фразата дека нема гаранции во животот. Ова важи и за Ковид-19. Иако оригиналниот сој не е доминантен, тоа не значи дека не можете да го добиете. Ако сте вакцинирани и бустирани, тоа ви нуди најдобри шанси да не доживеете посериозна форма на болеста, хоспитализација или смрт“, посочува таа.
Кои се знаците дека сте заразени со нова варијанта на вирусот?
„Не постојат сигурни знаци дека сте заразени со нова варијанта на вирусот. Ако имате симптоми на Ковид-19 како кашлица, замор, болки во телото, притисок во синусите и губење на мирис и вкус, контактирајте го вашиот лекар“, објаснува д-р Кари-Винчел.
Како да останете заштитени?
Следете ги здравствените совети и помогнете да се стави крај на пандемијата. Вакцинирајте се или бустирајте што е можно поскоро. Ако живеете во област со мала покриеност со вакцинација, носете маска N95, не патувајте, одржувајте физичка дистанца, избегнувајте големи собири, мијте ги рацете и штитете го својот живот и животите на другите.
