Децата се опоравуваат од MIS-C со навремен третман. CDC ги советува родителите или старателите веднаш да контактираат со лекар ако децата имаат треска, болки во стомакот, повраќање, дијареја, болка во вратот, осип, крвави очи или дополнителен замор
Американскиот центар за контрола и превенција на болести (CDC) соопшти дека не знае дали новите варијанти на COVID-19 предизвикуваат повеќе случаи на ретката компликација кај децата наречена мултисистемски воспалителен синдром (MIS-C).
Мултисистемскиот воспалителен синдром (MIS-C) кај децата е компликација на COVID-19 инфекцијата што може да предизвика оштетување на срцето и обично се појавува околу три недели откако детето било заразено со вирусот. Многу случаи со MIS-C следуваат по инфекција со SARS-CoV-2, која немала никакви симптоми.
Додека децата имаат многу помала веројатност за разлика од возрасните да бидат хоспитализирани или да умрат од COVID-19, сепак, тие имаат подеднаква веројатност како и возрасните да се заразат со вирусот.
Ако варијантите на COVID-19 се позаразни, тогаш постои можност да има повеќе случаи на MIS-C, но од CDC велат дека сè уште нема докази за да се утврди дали варијантите доведуваат до повеќе случаи
Околу 2,68 милиони деца во САД се тестирани позитивно на вирусот заклучно со 21 јануари, според Американската академија за педијатрија, а бројот на инфекции од неодамна е зголемен. Само минатата недела преку тестирање се идентификувани 165.480 нови случаи на деца, се вели во извештајот. Тоа е 16% зголемување кај случаите на деца со COVID-19 во текот на две недели. Децата претставуваат 12,7% од сите случаи во САД.
CDC вели дека заклучно со крајот на декември има извештаи за 1.659 случаи на MIS-C.
Ако варијантите на COVID-19 се позаразни, тогаш постои можност да има повеќе случаи на MIS-C, но од CDC велат дека сè уште нема докази за да се утврди дали варијантите доведуваат до повеќе случаи.
„Сè што можам да кажам во моментов е дека не знаеме“, рече д-р Ангела Кембел, медицински службеник на CDC во Одделот за грип, на состанокот на Советодавниот комитет на CDC за практики на имунизација.
„Ние сме многу заинтересирани за тоа прашање“, рече Кембел.
MIS-C ги погодува децата несразмерно според бојата на кожа. Постои шест пати поголема инциденца на MIS-C кај црните деца во однос на белите деца
CDC е „секако загрижен“ за варијантите и ги охрабрува јавните здравствени одделенија да внимаваат на случаите, додаде Кембел. Таа рече дека CDC има слушнато од неколку држави дека тие гледаат повеќе случаи со MIS-C, но не е јасно дали тоа се должи на целокупниот пораст на случаите на COVID-19 или е поврзано со варијантите.
„Едноставно не е можно да се сфати тоа во моментов“, рече Кембел.
MIS-C ги погодува децата несразмерно според бојата на кожа. Постои шест пати поголема инциденца на MIS-C кај црните деца во однос на белите деца, рече Кембел.
Децата се опоравуваат со навремен третман. CDC ги советува родителите или старателите веднаш да контактираат со лекар ако децата имаат треска, болки во стомакот, повраќање, дијареја, болка во вратот, осип, крвави очи или дополнителен замор. (Си-Ен-Ен)
