Во светот околу два проценти од населението страда од алергии, но меѓу шест и осум оттсто деца и млади имаат поставена дијагноза на нутритивна алергија. Повеќето алергии се забележуваат и дефинираат веќе во првата година од животот на детето. Тогаш, поради развојна незрелост на имуниот систем, може да биде изразена поголема зачестеност на алергија на храна. Со растот, развојот и созревањето на имунитетот, голем број деца ја надраснуваат алергијата на храна.
До алергиска реакција може да дојде со консумирање на било која намирница, но тие најчесто се појавуваат под влијание на најсилните алергени. “Big 8“ или големите осум, според Организацијата за храна и земјоделство се:
- Кравјо млеко
- Јајца
- Соја
- Пченица (глутен)
- Кикирики
- Јаткасти плодови
- Риба
- Морски плодови
Овие намирници како национален попис на нутритивни алергени се прифатени од страна на Европската Унија, САД, Австралија и Нов Зеланд.
Алергиската реакција на храна се случува така што организмот одреден вид на храна ко третира како инфекција, при што се активира имуниот сиситем во организмот. Во контакт со алергените и антителата на организмот, започнува да се отпушта хистамин, главен иницијатор на акутните алергиски реакции. Симптомите се исип, отежнато дишење, повраќање, пролив и егземи. Исипот и проблемите со дишењето се јавуваат по само неколку минути од консумирањето на потенцијалниот алерген, а понекогаш проблем со дишењето се јавува непосредно по консумирањето на алергенот.
ПРВА ПОМОШ ПРИ АЛЕРГИСКА РЕАКЦИЈА
Најдобар и единствен начин на лекување на нутритивната алергија е елиминирање на спорните намирници или група на намирници, осносно алергени од исхраната на детето. Меѓутоа, и покрај големото внимание на родителите, многу често може да се случи да детето поради невнимание или незнаење сепак внесе алерген, или да по прв пат реагира на некоја намирница, при што е потребно да се реагира.
Читањето на декларациите и препознавањето на алергените се важна ставка во изборот на производи за исхраната на детето кое има нутритивна алергија.
Прва помош во случај на алергиска реакција се антихистаминици, антагонисти на хистаминот кои делуваат така што спречуваат врзување на хистаминот на неговите рецептори, со што намалуваат или спречуваат појава на симпотми на алергиска реакција. Во потешки случаи, при појава на анафилактична реакција, потребно е брзо да се реагира со инјекција адреналин.
Ако вашето дете има потешкотии со дишењето по консумирањето на храна, веднаш викнете Итна помош или одете во болница.
