Недоволната количина на сон може да доведе до проблеми со говорот и пореметување на хиперактивност. Некои родители спијат со децата во кревет надевајќи се дека така што побрзо ќе се поврзат. Но, тоа не е само збунувачки за детето, туку може да биде и опасно за него.
И тоа не е единственото што не треба да се прави, за детето да спие добро. Ова се грешки кои родителите најчесто ги прават при успивање на бебето.
- Бебето нема рутина на спиење
Воспоставувањето рутина на спиење е важно за вашето дете. Тоа може да помогне да се смири и побрзо да заспие. Многу е важно да се држите до распоредот за детето да научи кога му е време за спиење. Со тек на време ќе се навикне да заспива во исто време, и на тој начин успивањето ќе стане многу полесно и побрзо.
- Недоволно го уморувате бебето кога е будно
Децата се како возрасните, колку повеќе се окупирани во текот на денот, толку повеќе се поисцрпени и полесно заспиваат. Затоа обидете се да го вклучите своето бебе во што повеќе активности. Зборувајте му, пејте му, изнесете го надвор и дозволете да ужива во денот. Сето тоа ќе го измори и ќе биде поподготвено за спиење.
- Родителите не ги препознаваат знаците
Понекогаш родителите предолго чекаат пред да ги стават децата на спиење. На пример, чекаат додека не почнат да плачат. Но, постојат и многу други знаци кои покажуваат дека детето е уморни и му е потребен сон. Ако се мршти, ги трие очињата и ушите, тоа може да значи дека му се спие.
- Го оставате бебето да спие во осветлена соба
Темницата делува смирувачки на бебето и поттикнува производство на мелатонин, хормон кој помага во регулирањето на сонот.
- Блокирање на бучавата
Бебињата не треба да спијат во целосна тишина, оти ако еднаш се навикнат, подоцна може да имаат големи потешкотии со спиењето. Понекогаш дури и се препорачува да се користат уреди за создавање тивка бучава која може да помогне бебето побрзо да заспие.
